५९ वर्षको उमेरमा पूर्वमन्त्रीले पास गरे १२ कक्षा
- बैशाख १५, २०८० मा प्रकाशित
एजेन्सी । भारतको उत्तर प्रदेशका एकजना पूर्वमन्त्रीले ५९ वर्षको उमेरमा १२ कक्षा पास गरेका छन्। ५९ वर्षका प्रभुदयाल वाल्मीकिले युपी बोर्डबाट १२ कक्षाको परीक्षा करिब ५४ प्रतिशत अंकसहित पास गरेका हुन्। उनी समाजवादी पार्टी सरकारमा रहँदा दुई पटक विधायक र मन्त्री भइसकेका छन्। परीक्षामा उनलाई ५०० मा २७१ अंक मिलेको छ।
प्रभुदयाल मेरठको हस्तिनापुर विधानसभा सिटबाट सन् २००१ देखि २००७ सम्म विधायक थिए। उनी त्यसक्रममा सन् २००३ देखि २००७ सम्म लघु उद्योग, वस्त्र तथा रेशम विभागका प्रभारी मन्त्री भइसकेका छन्। प्रभुदयाल वाल्मीकिले १२ कक्षा पास गरेपछि पढ्नका लागि कुनै उमेरले नछेक्ने बताएका छन्।
‘म मन्त्री हुँदा समय थिएन। तर मेरा नातेदारले अहिले पढ्न हौसला दिए’, उनले भनेका छन्, ‘तर अहिले कुनै पनि हालतमा मैले पढाईलाई अघि बढाउनु पर्ने अठोट गरेको थिएँ।’उनले सन् २०२१ मा ११ कक्षामा नाम लेखाए पनि कोरोनाका कारण परीक्षा दिन पाएका थिएनन्।
कोरोनाका कारण उनीसहितलाई परीक्षार बोर्डले १२ कक्षाका लागि पास गरिदिएको थियो। तर अहिले उनले १२ कक्षा परीक्षा दिएरै पास गरेका हुन्।
सम्बन्धित खवर
-
ताजा बैशाख ८, २०८१इटहरीमा डिजिटल पेन्टसकाे आकस्मिक रक्तदान : ५४ प्रिन्ट रगत सङ्कलन
-
ताजा बैशाख ५, २०८१इटहरीमा कानुनी सचेतना सम्बन्धि एक दिवाशीय गोष्ठी सम्पन्न
-
ताजा बैशाख ३, २०८१इटहरीमा मलामी आएका ब्यक्तिले चिर्पट प्रहार गर्दा मुक्तीघाटका कर्मचारीकाे मृत्यु
-
ताजा बैशाख २, २०८१इटहरीमा पनि मनाइयो चैती छठ
-
ताजा चैत्र २८, २०८०इटहरीका विरबहादुर : खानेपानी निर्वाचनमा विजयी बने : बधाई थाप्न नपाइ अस्ताए
Comments