हुण्डीको ६९ लाख नगद र १५ लाखको चेकसहित तीन जना पक्राउ
- भाद्र २, २०७९ मा प्रकाशित
काठमाडौं / काठमाडौंको घण्टाघर क्षेत्रबाट स्रोत नखुलेको ६९ लाख रुपैयाँसहित प्रहरीले तीन जनालाई पक्राउ गरेको छ। पक्राउ पर्नेमा काठमाडौंको तारकेश्वर नगरपालिका–१० मनमैजुका ४५ वर्षीय माधव श्रेष्ठ, बाराको महागढीमाईनगरपालिका–७ वेनौली घर भई हाल कुलेश्वर बस्ने३३ वर्षीय सुनिल कुमार शाह र धनुषाको जनकपुरधाम उपमहानगरपालिका–३ घर भइ हाल टेकु बस्ने ३३ वर्षीय अकिंत गोयनका रहेका छन्।
काठमाडौं उपत्यका अपराध अनुसन्धान कार्यालयले घण्टाघर एरियामा विभिन्न व्यक्तिहरुले राजस्व चुहावट गरी गैरकानुनी रुपमा हुण्डी मार्फत वित्तिय कारोबार गर्दै आएको भन्ने विशेष सूचनाका आधारमा माधव श्रेष्ठ समेतका व्यक्तिहरुलाई निगरानी गर्ने क्रममा विशेष प्रहरी टोलीले घण्टाघरस्थित जामे मार्केट भवनमा सटर भाडामा लिई माधव श्रेष्ठले सञ्चालन गरेको संजोग टुर्स एण्ड ट्राभल्स प्रालिमा लुकाइछिपाइ राखेको अवस्थामा नगद ६० लाख रुपैयाँ बरामद गरेको थियो।
श्रेष्ठको कार्यालयमा हुन्डी भुक्तानी गर्न आएका अंकित गोयनकाका कर्मचारी सुनिल कुमार शाहलाई समेत नियन्त्रणमा लिइ कलंकीस्थित अंकित गोयनकाले सञ्चालन गरेको आनी इन्टरनेसनल नामक कार्यालयमा खानतलासी गर्दा प्रहरीले नगद ९ लाख रूपैँया बरामद गरेको हो।
साथै प्रहरीले ‘फास्ट ट्रयाक इन्टरनेसनल प्रालिका नाममा जारी भएको रु १५ लाखको चेकसमेत बरामद गरेको छ। पक्राउ परेका व्यक्तिहरुलाई आवश्यक कारबाहीका लागि राजश्व अनुसन्धान विभाग, हरिहर भवन ललितपुर पठाइएको प्रहरीले जनाएको छ।
सम्बन्धित खवर
-
ताजा बैशाख १५, २०८१नेपाल लोकतन्त्रवादी आदिवासी जनजाती महासंघको ऐतिहासिक प्रथम अधिवेशन सम्पन्न
-
ताजा बैशाख ८, २०८१इटहरीमा डिजिटल पेन्टसकाे आकस्मिक रक्तदान : ५४ प्रिन्ट रगत सङ्कलन
-
ताजा बैशाख ५, २०८१इटहरीमा कानुनी सचेतना सम्बन्धि एक दिवाशीय गोष्ठी सम्पन्न
-
ताजा बैशाख ३, २०८१इटहरीमा मलामी आएका ब्यक्तिले चिर्पट प्रहार गर्दा मुक्तीघाटका कर्मचारीकाे मृत्यु
-
ताजा बैशाख २, २०८१इटहरीमा पनि मनाइयो चैती छठ
Comments