सन्दीपले भने : मविरुद्धको आरोप टिमलाई थाहा भइसक्यो, तर खेल्न समस्या छैन
- भाद्र २३, २०७९ मा प्रकाशित
काठमाडाै । नेपाली क्रिकेट टिमका कप्तान सन्दीप लामिछानेले आफूमाथि लागेको आरोपबारे जमैका तलवाज क्लबलाई पनि जानकारी भएको बताएका छन्। जमैका तलवाजमा आवद्ध सन्दीप हाल क्यारेबियन प्रिमियर लिग खेल्न वेस्ट इन्डिजमा छन्। नेपाल क्रिकेट संघ (क्यान) सँग कुरा गर्दै उनले आफूमाथि लागेको बलात्कार आरोपबारे आफ्नो क्लबलाई जानकारी भइसकेको र खेल्न समस्या नरहेको बताएको क्यानका कार्यवाहक सचिव प्रशान्त विक्रम मल्लले बताए।
‘हिजो राति मैले नै सन्दीपलाई सम्पर्क गरेर तिमीविरुद्ध एकजना युवतीबाट केस फायल भएको छ, तिमीलाई थाहा छ भनेर सोधेको थिएँ। उसले थाहा पाएको र आफ्नो संलग्नता नरहेको बतायो’, मल्लले भने, ‘तिमी अब फर्किनु पर्ने होला भन्दा उसले म सीपीएल सकेर फर्किन्छु भन्यो। उक्त प्रकरणबारे आफ्नो टिमले पनि थाहा पाइसकेको र खेल्न समस्या नरहेको बतायो।’उनले क्यानसँग कानुनी उपचारका लागि आवश्यक सहयोगसमेत माग गरेका छन्। क्यानले सकरात्मक जवाफ दिएको छ।
‘हाम्रो खेलाडी हो अपराध गरेको छ भने क्यानले ढाकछोप गर्दैन। कानुनी उपचार उसको अधिकारको कुरा हो। क्यान उसको अविभावक पनि हो। कानुनी सल्लाहकारको व्यवस्था गर्न सहजीकरण गरिदिन्छौँ। बाँकी उसको वकिलले गर्ने कुरा हो’, मल्लले भने। क्यानले यसबारे प्रहरीसँग पनि सोधखोज गरेको छ। तर प्रहरीले अहिले घटना प्रारम्भिक अनुसन्धानमै रहेको जवाफ दिएको थियो। प्रहरीले क्यानसँग कुनै सहयोग नमागेको बताइएको छ।
सन्दीपविरुद्ध १७ वर्षीया एकजना किशोरीले बलात्कारको आरोपमा जाहेरी दिएकी छन्। जाहेरी परेसँगै प्रहरीले अनुसन्धान थालिसकेको छ।
सम्बन्धित खवर
-
ताजा बैशाख ८, २०८१इटहरीमा डिजिटल पेन्टसकाे आकस्मिक रक्तदान : ५४ प्रिन्ट रगत सङ्कलन
-
ताजा बैशाख ५, २०८१इटहरीमा कानुनी सचेतना सम्बन्धि एक दिवाशीय गोष्ठी सम्पन्न
-
ताजा बैशाख ३, २०८१इटहरीमा मलामी आएका ब्यक्तिले चिर्पट प्रहार गर्दा मुक्तीघाटका कर्मचारीकाे मृत्यु
-
ताजा बैशाख २, २०८१इटहरीमा पनि मनाइयो चैती छठ
-
ताजा चैत्र २८, २०८०इटहरीका विरबहादुर : खानेपानी निर्वाचनमा विजयी बने : बधाई थाप्न नपाइ अस्ताए
Comments