खोटाङमा कोरोना संक्रमितको संख्या ५७ मा झर्यो
- फाल्गुन ३, २०७८ मा प्रकाशित
खोटाङ: खोटाङमा कोभिड-१९ बाट संक्रमितको संख्या ५७ मा झरेको छ । मंगलबार थप नाै जना संक्रमणमुक्त भएसँगै संक्रमितको संख्या ५७ मा झरेको हो । पछिल्लो साता दिनानुदिन संक्रमितको संख्या घटिरहेको छ ।
मंगलबार २० जनाको एन्टिजेन परीक्षण गर्दा दुई जनालाई मात्र संक्रमण पूष्टि भएको स्वास्थ्य कार्यालय खोटाङका कोभिड फोकल पर्सन भिष्म पाण्डेले जानकारी दिए । सक्रिया संक्रमित होमआइसोलेसनमा बसिरहेका छन् ।
कोरोना संक्रमणको पहिलो, दोस्राे र तेस्राे लहरमा गरी हालसम्म तीन हजार ४६४ जनालाई संक्रमण पुष्टि भएकाेमा निको हुनेको कुल संख्या तीन हजार ३६३ पुगेको स्वास्थ्य कार्यालयले जनाएको छ । हालसम्म एक लाख १६ हजार ६८९ जनाले पहिलो मात्राको र ६७ हजार २९ जनाले दोश्रो मात्राको खोप लगाइसकेका छन् । कोभिड-१९ को पहिलो र दोस्राे लहरमा १५ जनाले ज्यान गुमाएका थिए ।
महामारीमा उपयोगका लागि जिल्ला अस्पतालसहित सात अस्पतालमा २३४ बेड तयारी अवस्थामा राखिएकाे छ । यस्तै, एक थान भेन्टिलेटर, सातवटा एम्बुलेन्स, २०० थान अक्सिजन सिलिण्डर र ३७ थान अक्सिजन कन्सन्ट्रेटर रहेको स्वास्थ्य कार्यालयले जनाएको छ । -न्युज कारखाना
सम्बन्धित खवर
-
ताजा बैशाख १९, २०८१श्रीमती रञ्जितासँगको सहमति भङ्ग भएपछि रेशम ‘फायर’, २० मिनेटमा सात स्टाटस
-
ताजा बैशाख १९, २०८१एक करोड १७ लाख विगो माग भएको जलहरी घोटाला प्रकरण : थापा, ढकाल र श्रेष्ठलाई सफाइ
-
ताजा बैशाख १९, २०८१आज अन्तर्राष्ट्रिय श्रमिक दिवस, देशभर सार्वजनिक बिदा
-
ताजा बैशाख १८, २०८१इलाम-२ मा रास्वपाका मिलन लिम्बूको जमानत जफत
-
ताजा बैशाख १८, २०८१एमालेको कान्छो सांसद बनेर पूर्णकालीन राजनीतिमा सुहाङको शानदार ‘इन्ट्री’
Comments