प्रसिद्ध तीर्थस्थल पाथीभरा जाने सडक कालोपत्रे गरिने
- माघ २६, २०७८ मा प्रकाशित
इटहरीः पूर्वी पहाडी जिल्ला ताप्लेजुङस्थित प्रसिद्ध तीर्थस्थल पाथीभरातर्फ जाने १० किलोमिटर सडक कालोपत्रे गरिने भएको छ ।
सुकेटारदेखि काफ्लेपाटीसम्मको सडक कालोपत्रे हुने भएको हो । कालोपत्रेका लागि कन्टेक निर्माण प्रालिसँग ४० करोड ७६ लाख रूपैयाँको ठेक्का सम्झौता भएको उत्तर दक्षिण (मूलघाट, दोभान ओलाङ्चुङगोला) सडक योजना कार्यालयले जनाएको छ ।
सम्झौता माघको पहिलो साता नै भएको हो । सडक दुई वर्षभित्रमा कालोपत्रे गरिसक्नुपर्ने सम्झौतामा उल्लेख छ ।
पाथीभरा जाने सडकअन्तर्गत सदरमुकाम फुङ्लिङदेखि सुकेटार विमानस्थलसम्मको आठ किलोमिटर खण्ड भने यसअघि नै कालोपत्रे भइसकेको छ । सडक कालोपत्रे भएपछि पाथीभरामा पूजापाठ गर्न आउने तीर्थयात्रीको सङ्ख्या बढ्नसक्ने पाभीभरा क्षेत्र विकास समितिले जनाएको छ ।
अहिले वार्षिक तीन लाखभन्दा बढी धार्मिक पर्यटक पूजापाठ र दर्शनका लागि पाथीभरा पुग्ने गरेका छन् । सडक कालोपत्रे भएपछि यो सङ्ख्या बढ्ने अनुमान गरिएको छ ।
सम्बन्धित खवर
-
ताजा बैशाख ३१, २०८१सुँगुरको मिर्गौला प्रत्यारोपण गराएका पहिलो व्यक्तिको मृत्यु
-
ताजा बैशाख ३१, २०८१छात्रामाथि बलात्कार गर्ने मौलवी पक्राउ
-
ताजा बैशाख ३१, २०८१खोलामा नुहाउने क्रममा डुबेर दुई किशोरीको मृत्यु
-
ताजा बैशाख ३१, २०८१कलाकार उज्वल केसीको निधन
-
ताजा बैशाख ३१, २०८१कोशीका मुख्यमन्त्रीले आज विश्वासको मत लिंदै : कांग्रेसले गर्याे बहिष्कार : नेकपा एसले मत नदिने
Comments