गाउँपालिकाद्वारा स्वयंसेविकालाई साइकल उपहार
- माघ १८, २०७८ मा प्रकाशित
इटहरीः झापाको कचनकवल गाउँपालिकाले सोमबार (हिजो ) नगर क्षेत्रमा सेवारत र सेवा निवृत्त ६८ जना स्वास्थ्य स्वयंसेविकालाई साइकल प्रदान गरेको छ ।
६१ जना सेवारत र सात जना सेवा निवृत्त स्वास्थ्य स्वयंसेविकालाई साइकल उपलब्ध गराइएको गाउँपालिकाले जनाएको छ । पालिकाका अध्यक्ष अन्जार आलमका अनुसार सेवा निवृत्तलाई प्रोत्साहन र सेवारतलाई काममा सहजता र छिटो बनाउने उद्देश्यले साइकल वितरण गरिएको हो ।
गाउँपालिकाका स्वास्थ्य शाखा प्रमुख जागेश्वर यादवले अनुसार वार्षिक स्वास्थ्य योजना अनुसार स्वयंसेविकालाई साइकल वितरण गरिएको बताए । पालिकाले पाँच लाख रुपैयाँ खर्चेर साइकल वितरण गरेको उनको भनाइ थियो ।
सेवा निवृत्त सातजना स्वयंसेविकालाई गाउँपालिकाले २५ हजार नगदसमेत दिएको छ । खासगरी स्वास्थ्य स्वयंसेविकाले गाउँगाउँ पुगेर महिला र बालबालिकालाई स्वास्थ्य सेवा दिने गरेका छन् ।
सम्बन्धित खवर
-
ताजा बैशाख ३१, २०८१सुँगुरको मिर्गौला प्रत्यारोपण गराएका पहिलो व्यक्तिको मृत्यु
-
ताजा बैशाख ३१, २०८१छात्रामाथि बलात्कार गर्ने मौलवी पक्राउ
-
ताजा बैशाख ३१, २०८१खोलामा नुहाउने क्रममा डुबेर दुई किशोरीको मृत्यु
-
ताजा बैशाख ३१, २०८१कलाकार उज्वल केसीको निधन
-
ताजा बैशाख ३१, २०८१कोशीका मुख्यमन्त्रीले आज विश्वासको मत लिंदै : कांग्रेसले गर्याे बहिष्कार : नेकपा एसले मत नदिने
Comments