मलेसियाले प्यालेस्टिन र हमाससँगको सम्बन्ध जारी राख्ने, इजरायललाई देशको मान्यता नदिने
- कार्तिक २३, २०८० मा प्रकाशित
एजेन्सी । मलेसियाले प्यालेस्टिन र हमास समूहसँग सम्बन्ध राख्ने यसअघिको निर्णयलाई यथावत् राख्ने भएको छ । मलेसियाका प्रधानमन्त्री अनवर इब्राहिमले आफ्नो राष्ट्रले हमाससँग सम्बन्ध कायम राख्ने र दण्ड नदिने बताएको बीबीसीले जनाएको छ ।
संसद्लाई सम्बोधन गर्दै प्रधानमन्त्री अनवरले अहिले इजरायलले हमासविरुद्ध गरिरहेको नरसंहारको सबैले खुलेर विरोध गर्नुपर्ने पनि बताएका छन् । अमेरिकी प्रतिनिधिसभाले गएको हप्ता हमास र प्यालेस्टिनी इस्लामिक जिहादका विदेशी समर्थकहरूलाई प्रतिबन्ध लगाउने पक्षमा मतदान गरेपछि विपक्षी सांसदले अनवरलाई मलेसियाली सरकारको अडानबारे सोधेका थिए ।
प्रश्नको जवाफ दिँदै उनले अमेरिकाको कुनै पनि धम्की स्वीकार नगर्ने बताएको खबरमा उल्लेख छ । उनले आफ्नो देशले संयुक्त राष्ट्र सङ्घको महासभाले गरेको निर्णय मान्ने भन्दै प्यालेस्टिनको अस्तित्व समाप्त पार्ने कदम मान्य नहुने उल्लेख गरेका छन् ।
मुस्लिम बहुल राष्ट्र मलेसियाले लामो समयदेखि प्यालेस्टिनी मुद्दाको वकालत गर्दै आएको छ । मलेसियाले इजरायललाई कुटनीतिक रूपमा मान्यता दिएको छैन । अहिले इजरायलले गाजामा गरेको हमलाविरुद्ध दिनहुँजसो मलेसियामा प्रदर्शन हुँदै आएको छ ।
सम्बन्धित खवर
-
ताजा बैशाख १९, २०८१श्रीमती रञ्जितासँगको सहमति भङ्ग भएपछि रेशम ‘फायर’, २० मिनेटमा सात स्टाटस
-
ताजा बैशाख १९, २०८१एक करोड १७ लाख विगो माग भएको जलहरी घोटाला प्रकरण : थापा, ढकाल र श्रेष्ठलाई सफाइ
-
ताजा बैशाख १९, २०८१आज अन्तर्राष्ट्रिय श्रमिक दिवस, देशभर सार्वजनिक बिदा
-
ताजा बैशाख १८, २०८१इलाम-२ मा रास्वपाका मिलन लिम्बूको जमानत जफत
-
ताजा बैशाख १८, २०८१एमालेको कान्छो सांसद बनेर पूर्णकालीन राजनीतिमा सुहाङको शानदार ‘इन्ट्री’
Comments