१५ दिनदेखि हराइरहेकी महिला मृत भेटिइन्
- असार २९, २०८० मा प्रकाशित
भक्तपुर । भक्तपुरको सूर्यविनायक नगरपालिका–७ गुण्डुस्थित मोर्डन स्कुल नजिकैको जंगलमा हराएकी एक महिला मृत भेटिएकी छिन् । सूर्यविनायक नगरपालिका ७ बस्ने ३८ वर्षीय माया नगरकोटी बिहीबार मृत अवस्थामा फेला परेकी हुन् ।
अस्थायी प्रहरी पोष्ट गुण्डुबाट प्रहरी सहायक निरीक्षक रामबहादुर मगरको टोलीले खोजतलास गर्दै जाने क्रममा उनलाई मृत अवस्थामा प्रहरीले फेला पारेको हो । प्रहरीका अनुसार उनी असार १३ गते बिहान साढे सात बजेदेखि हराइरहेकी थिइन् ।
घटनास्थल सुरक्षित साथ राखी उक्त स्थानमा वृत्त जगातीबाट घटनास्थल मुचुल्का लगायत अनुसन्धानको लागी प्रहरी निरीक्षक सुन्दर चौलागाईको कमाण्डमा १० जनाको टोली खटिएको भक्तपुर प्रहरी परिसरले जनाएको छ ।
उक्त स्थान वृत्त जगातीबाट अन्दाजी ५ किलोमिटर दक्षिण पश्चिम पर्दछ । यसअघि खोजतलासको लागि नेपाल प्रहरी, सशस्त्र प्रहरी, नेपाली सेना, स्थानीय ४ कुकुरसहित खोजी कार्य भएको थियो । घटनाबारे थप अनुसन्धान भइरहेको प्रहरीले जनाएको छ ।
सम्बन्धित खवर
-
ताजा बैशाख १९, २०८१श्रीमती रञ्जितासँगको सहमति भङ्ग भएपछि रेशम ‘फायर’, २० मिनेटमा सात स्टाटस
-
ताजा बैशाख १९, २०८१एक करोड १७ लाख विगो माग भएको जलहरी घोटाला प्रकरण : थापा, ढकाल र श्रेष्ठलाई सफाइ
-
ताजा बैशाख १९, २०८१आज अन्तर्राष्ट्रिय श्रमिक दिवस, देशभर सार्वजनिक बिदा
-
ताजा बैशाख १८, २०८१इलाम-२ मा रास्वपाका मिलन लिम्बूको जमानत जफत
-
ताजा बैशाख १८, २०८१एमालेको कान्छो सांसद बनेर पूर्णकालीन राजनीतिमा सुहाङको शानदार ‘इन्ट्री’
Comments