इटहरी । विशेष महाधिवेशनबाट निर्वाचित गगन थापा नेतृत्वको नेपाली कांग्रेसका पदाधिकारीहरू पार्टी विवरण अध्यावधिक गर्न निर्वाचन आयोग पुगेका छन् ।
केन्द्रीय समिति बैठकले गरेका निर्णय र विवरण अद्यावधिकका लागि आफूहरू निर्वाचन आयोग पुगेको सहमहामन्त्री डिला संग्रौलाले जानकारी दिइन् ।
बुधबार नेपाली कांग्रेसको विशेष महाधिवेशनबाट गगन थापाको नेतृत्वमा नयाँ कार्यसमिति चयन भएको थियो। उता, शेरबहादुर देउवा नेतृत्वको कांग्रेसले भने पार्टीको कुनै विशेष महाधिवेशन नभएको दाबी गर्दै निर्वाचन आयोगलाई पत्र पठाइसकेको छ ।
देउवा पक्षले पत्र पठाउनुअघि नै विशेष महाधिवेशन पक्षधरले आयोगमा विशेष महाधिवेशन भइरहेको जानकारी गराउँदै पत्र बुझाइसकेका थिए। यससँगै कांग्रेसभित्र आधिकारिकतासम्बन्धी विवाद बढिरहेको छ।
Discussion about this post