इटहरी । इटहरी उपमहानगरपालिका वडा नम्बर १७ का वडा अध्यक्ष प्रभात आचार्य माथि नेकपा (एमाले) ले पार्टी अनुशासन उल्लङ्घन गरेको ठहर गर्दै कारबाही गरेको छ।
पार्टी स्रोतका अनुसार, वडा अध्यक्ष आचार्यले आगामी निर्वाचनमा एमालेको आधिकारिक उम्मेदवारविरुद्ध आफ्नै छोरा अदित्य आचार्य लाई उम्मेदवारका रूपमा उठाएर पार्टीको भोट काट्ने रणनीति अपनाएको आरोप लागेको छ।
उक्त गतिविधिले पार्टीको हितविपरीत काम गरेको निष्कर्ष निकाल्दै एमाले सुनसरी जिल्ला कमिटीले उनलाई कारबाही गरेको हो। प्रभात आचार्य एमाले सुनसरी जिल्ला कमिटीका सदस्य समेत रहेका थिए।
पार्टीको निर्णय अनुसार उनलाई संगठनात्मक जिम्मेवारीबाट हटाईएको छ्। एमाले जिल्ला कमिटीले जारी गरेको विज्ञप्तिमा भनिएको छ, पार्टीको आधिकारिक निर्णय, नीति र निर्देशनविपरीत गई व्यक्तिगत स्वार्थका आधारमा गतिविधि सञ्चालन गरेकाले कारबाही गरिएको छ्।
Discussion about this post