झापा । रास्वपाका वरिष्ठ नेता बालेन्द्र शाह (बालेन)ले आज झापा क्षेत्र नम्बर ५ का १५ ठाउँमा मतदातासँग भेट गर्दैछन्। बालेनको सचिवालयले सोमबार झापा ५ स्थित कमल गाउँपालिकामा नागरिकसँग भेटघाटको कार्यक्रम राखिएको जानकारी दिएको हो। आजको कार्यतालिका अनुसार सोमबार बिहान ७:३० बजेदेखि नै बालेनले मतदातासँग भेटघाट सुरु गरिसकेका छन्।
सानो केर्खा चोकबाट सुरु भएको मतदाता भेटघाट कार्यक्रम अब क्रमश: सिंघदेबी मन्दिर, केर्खा बजार, केराधाप, क्याम्पा, सुनहरास्थित उराउ र संथाल बस्ती, ढ्यांग्रीमा हुनेछ। त्यसैगरि शरंग्पडा बजार, बाह्रबिघा मन्दिर, नहरचोक, शान्तिचोक, सुकुमबासी बस्ती, समैगडा, छलफल चोक र भुत्लुंग स्कुल क्षेत्रमा पनि भेटघाट कार्यक्रम राखिएको छ।
आगामी फागुन २१ गते हुने प्रतिनिधिसभा निर्वाचनमा झापा ५ मा एमाले अध्यक्ष तथा पूर्वप्रधानमन्त्री केपी शर्मा ओलीसँग बालेनको कडा प्रतिस्पर्धा हुने अनुमान गरिएको छ। ओली र बालेन दुवै यतिबेला आफ्नो चुनावी क्षेत्रमा मतदाता रिझाउने अभियानमा छन्।
Discussion about this post