इटहरी । नेकपा (एमाले) का अध्यक्ष केपी शर्मा ओली आज आफ्नो निर्वाचन क्षेत्र झापा-५ पुगेका छन् । चन्द्रगढी विमानस्थलबाट बिर्तामोड हुँदै उनले आफ्नो निर्वाचन क्षेत्रतर्फको यात्रा सुरु गरेका हुन्।विमानस्थलमा उनलाई प्रतिनिधि सभाका निवर्तमान सभामुख देवराज घिमिरे लगायतका पार्टी नेता र कार्यकर्ताले स्वागत गरे ।
विमानस्थलमा सञ्चारकर्मीसँग कुरा गर्दै, ओलीले शान्ति सुरक्षा र निर्वाचनको वातावरणका विषयमा भने, ‘अहिले देश विषम परिस्थितिमा पुगेको छ । देशलाई जोगाउन भनेको एमालेमय झापा र एमालेमय देश बनाउन आवश्यक छ।’
एमाले अध्यक्ष ओली २१ फागुनका लागि प्रतिनिधि सभा निर्वाचनको मनोनयन दर्ता गराउन माघ ५ गते झापा आएका थिए र माघ ९ गते काठमाडौँ फर्किएका थिए।यस पटक ओली झापामा एक हप्ता बस्ने कार्यक्रम तय गरिएको एमाले झापाले जनाएको छ ।
Discussion about this post