पाँचथर । कुम्मायक गाउँपालिका–३ कार्तिकेमा शनिबार दिउँसो भएको बोलेरो गाडी दुर्घटनामा ६ जनाको मृत्यु भएको छ भने ६ जना घाइते भएका छन् ।धरानबाट फिदिम जाँदै गरेको मे १ ज ३०५५ नम्बरको बोलेरो गाडी तमोर करिडोर सडक खण्डमा अनियन्त्रित भई करिब ५०० मिटर तल तमोर खोलाको किनारमा खसेको जिल्ला प्रहरी कार्यालय पाँचथरले जनाएको छ।
दुर्घटनामा घटनास्थलमै ३ महिला र ३ पुरुषको मृत्यु भएको प्रहरीले पुष्टि गरेको छ। उनीहरूको सनाखत बाँकी रहेको प्रहरीले जनाएको छ ।गाडीमा सवार १२ यात्रुमध्ये ६ जना घाइते भएका छन् । उनीहरूमध्ये ५ जनालाई थप उपचारका लागि धरान पठाइएको छ भने १ जनाको जिल्ला अस्पताल फिदिममा उपचार भइरहेको छ ।
दुर्घटनाको खबर प्राप्त भए लगत्तै इलाका प्रहरी कार्यालय यासोक र जिल्ला प्रहरी कार्यालय पाँचथरबाट ११ सदस्यीय टोली उद्धार कार्यमा खटिएको थियो । दुर्घटनास्थल इलाका प्रहरी कार्यालय यासोकबाट करिब १६ किलोमिटर उत्तरतर्फ पर्छ।
Discussion about this post