इटहरीः आसन्न स्थानीय तह निर्वाचनमा नेकपा एमालेबाट इटहरी उपमहानगरपालिका वडा नम्बर ४ को वडाध्यक्ष पदमा उम्मेदवारी दिएका भक्त तामाङले एमालेको २०७४ मा निर्वाचित वडाध्यक्षले गर्न बाँकी कामलाई आफूले पूर्णता दिने बताएका छन् ।

उनले वडाध्यक्षमा आफू विजयी भएमा े बाटो नपुगेका ठाउँमा बाटो पुर्याउने, खानेपानी घरघरमा पुर्याउने र जनताका हरेक समस्या समाधानमा आफू अग्रसर भएर काम गर्ने प्रतिबद्धता पनि जनाए । यसैगरी, निजी विद्यालयका सञ्चालकहरुसंग लबिङ गरेर गरिब तथा विपन्न वर्गका विद्यार्थीहरुलाई छात्रावृत्तिको व्यवस्ता गर्ने समेत बताए । साथै सामुदायिक विद्यालयलाई थप स्तारोन्नति गर्ने उनको योजना छ । स्वास्थ्य चौकीको विकास गर्ने र वृद्धवृद्धालाई सुविधासहित चेकजाँच गर्ने सोच पनि उनले राखेका छन् ।

यसका साथै युवा स्वरोजगार अन्तर्गत सक्षम युवालाई रोजगार दिने र वैदेशिक रोजगारमा जाने युवालाई यहीँ रोजगारको अवसर सिर्जना गरेर विदेश जानबाट रोक्ने समेत उनले बताए । २०४३ साल देखि उनी यातायात मदजुर क्षेत्रमा काम गर्दथे । सोही क्रममा उनले नेपाल यातायात स्वतन्त्र मजदुर संगठनमा आवद्ध हुँदै राजनितिक यात्रा सुरु गरे । काम गर्दै आउने सिलसिलामा उनी उक्त संगठनको इकाई, अञ्चल, जिल्ला कमिटि हुँदै केन्द्रिय कमिटिको उपाध्यक्ष समेत भए । नेपाल यातायात स्वतन्त्र मजदुर संगठनमा नेकपा एमालेको भात्री संगठन हो । हाल भने उनी नेकपा एमालेको एक नम्बर प्रदेश कमिटि सदस्य छन् ।