![](https://suchanaportal.com/wp-content/uploads/2019/05/1140x100.jpg)
संखुवासभाका गर्भवती र सुत्केरी २ महिलालाई सेनाको हेलिकप्टरमार्फत काठमाडौँ
- माघ १९, २०८० मा प्रकाशित
![](https://suchanaportal.com/wp-content/uploads/2024/02/helicopter.jpg)
संखुवासभा । संखुवासभा जिल्ला अस्पतालबाट गर्भवती र सुत्केरीको उद्धार गरिएको छ। एक गर्भवती र एक सुत्केरीलाई नेपाली सेनाको हेलिकप्टरमार्फत बिहीबार उद्धार गरिएको हो। जिल्ला प्रशासन कार्यालयका प्रशासकीय अधिकृत विमल पौडेलका अनुसार राष्ट्रपति महिला उत्थान कार्यक्रममार्फत दुवैजनाको उद्धार गरिएको हो।
पाँचखपन नगरपालिका–३ की सुत्केरी २५ वर्षीया बिना मगर र खाँदबारी नगरपालिका–११ खर्तुवाकी गर्भवती सपना राईलाई हेलिकप्टरमा हालेर काठमाडौँ लगिएको छ। सरकारले दुर्गम भेगमा जोखिममा परेका गर्भवती र सुत्केरीको हेलिकप्टरमा निःशुल्क उद्धार गर्ने गरेको छ।
गर्भवती राईको गर्भमै शिशुको मृत्यु भएको थियो। अत्यधिक रक्तस्राव भएपछि उनलाई थप उपचारका लागि काठमाडौँ ‘रेफर’ गरिएको जिल्ला अस्पतालका मेडिकल अधिकृत विकास आर्चायले जानकारी दिए। त्यसैगरी, सुत्केरी मगर र उनको शिशुको स्वास्थ्यमा समस्या आएपछि थप उपचारका लागि काठमाडाैँ लगिएको हो।जिल्लामा हालसम्म १९ भन्दा बढी सुत्केरी र गर्भवतीको हेलिकप्टरमा उद्धार गरिएको जिल्ला स्वास्थ्य कार्यालयले जनाएको छ।
![](https://suchanaportal.com/wp-content/uploads/2019/05/1140x100.jpg)
सम्बन्धित खवर
-
ताजा श्रावण ११, २०८१भेडेटारकाे स्काइवाक सञ्चालनमा , मुख्यमन्त्री कार्कीले गरे उदघाटन
-
ताजा श्रावण ११, २०८१वरिष्ठ लोक गायक जोशीको निधन
-
ताजा श्रावण ११, २०८१विपद्मा परी हालसम्म १३४ जनाको मृत्यु, १ सय ४८ जना घाइते
-
ताजा श्रावण ११, २०८१सौर्य एयरलाइन्स दुर्घटना : अस्पतालले भन्यो– क्याप्टेन शाक्यका तीन वटा करङ भाँच्चिएको छ
-
ताजा श्रावण ११, २०८१कार्यदल पुनर्गठन गर्दै रास्वपाले थाल्यो पार्टीको विधान संशोधन
Comments