![](https://suchanaportal.com/wp-content/uploads/2019/05/1140x100.jpg)
गाजामा पाँच बन्धक मृत भेटिए
- श्रावण ११, २०८१ मा प्रकाशित
![](https://suchanaportal.com/wp-content/uploads/2024/07/gaja-five.png)
एजेन्सी । इजरायली सेनाले गाजाबाट पाँच इजरायली नागरिकको शव फेला पारेको जनाएको छ।यी सबै सर्वसाधारणलाई गत वर्ष दक्षिणी इजरायलमा आक्रमण गर्दा हमासले बन्धक बनाएको थियो।
बीबीसीका अनुसार खान युनिसमा अपरेसनका क्रममा किन्डरगार्टेन शिक्षिका माया गोरेन, इजरायली सेनाका मेजर रविड आर्य काट्ज, मास्टर सर्जेन्ट ओरेन गोल्डिन, स्टाफ सर्जेन्ट टोमर अहिमास र सर्जेन्ट किरिल ब्रोडस्कीको शव फेला परेको हो।
इजरायली सेनाले भन्यो, ‘हामीलाई लाग्छ- शिक्षक गोरेनको बन्दीमा हुँदा हत्या गरिएको हुन सक्छ भने सेना प्रमुखको ८ अक्टोबरमा हमलाका क्रममा मृत्यु भएको हुन सक्छ र उनको शव पछि हमासले लिएको हुन सक्छ।’
इजरायली सेनाले दिएको यो नयाँ जानकारीपछि अब बन्धक बनाएका २५१ जनामध्ये १११ जना अझै हमासको नियन्त्रणमा रहेको आकलन छ। इजरायली सेनाका अनुसार यीमध्ये ३९ जनाको पहिले नै मृत्यु भइसकेको छ।
बुधबार इजरायलका प्रधानमन्त्री बेन्जामिन नेतन्याहुले अमेरिकी कंग्रेसलाई सम्बोधन गर्दै बन्धक बनाएका मानिसहरूको पनि उल्लेख गरेका थिए।
तर उनले हमाससँग युद्धविराम र बन्धकहरूको रिहाइ सुनिश्चित गर्न कुनै सम्झौता भएको हो कि भनेर कुनै संकेत दिएनन्। नेतान्याहुले बन्धकहरूलाई रिहा गर्ने प्रयास भइरहेको मात्रै बताए।
![](https://suchanaportal.com/wp-content/uploads/2019/05/1140x100.jpg)
सम्बन्धित खवर
-
ताजा भाद्र २२, २०८१पल शाह भन्छन : काठमाडाैंमा घर बनाउने सपना थीयाे तर एउटै मुद्धाले सबै सपना चकनाचुर बनाइदियाे
-
ताजा भाद्र २२, २०८१इजरायली सेनाको गोलीबाट २६ वर्षीया अमेरिकी-टर्की युवतीको मृत्यु
-
ताजा भाद्र २२, २०८१सुनिता विलियम्सलाई अन्तरिक्षमै छाडेर पृथ्वीमा फर्कियो स्टारलाइनर
-
ताजा भाद्र २२, २०८१राजनीतिक परिवर्तनप्रति कर्मचारीहरुको योगदान प्रशंसायोग्य : प्रधानमन्त्री
-
ताजा भाद्र २२, २०८१चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा
Comments