![](https://suchanaportal.com/wp-content/uploads/2019/05/1140x100.jpg)
डेंगु र मौसमी भाइरल ज्वरोपछि स्क्रब टाइफस संक्रमण बढ्दै
- भाद्र २२, २०८० मा प्रकाशित
![](https://suchanaportal.com/wp-content/uploads/2023/09/scrub-typhus.jpg)
उदयपुर । उदयपुरको सदरमुकाम गाईघाट बजारलगायत त्रियुगा नगरपालिका क्षेत्रमा स्क्रब टाइफसको संक्रमण देखा पर्न थालेको छ । जिल्लामा भदौको पहिलो साता एक जनामा संक्रमण देखिएसँगै अहिले दैनिक बिरामीको संख्या वृद्धि हुन थालेको जिल्ला अस्पताल उदयपुरले जनाएको छ ।
भदौको पहिलो साता पहिलो पटक अस्पतालमा उपचार गर्न आएका एक जनामा स्क्रब टाइफसको संक्रमण देखा परेको अस्पतालका प्रमुख डा. ज्ञानेन्द्र झाले जानकारी दिए । उनका अनुसार पछिल्लो केहीदिनयता बिरामीको संख्या दैनिक वृद्धि हुँदै गइरहेको छ ।
अस्पतालका फिजिसिएन डा. राहुल रैनियारका अनुसार अहिले नयाँ भाइरसका रुपमा देखिएको स्क्रब टाइफसको उपचारका लागि दैनिक पाँचदेखि दश जनासम्म बिरामी अस्पताल आउने गरेका छन् । सुरुमा यस रोगको लक्षण अनियमित ज्वरो आउने, शरीर तथा छालामा राता डाम्रा देखा पर्नेलगायत रहेका उनले बताए ।
हाल यसको संक्रमण जिल्लाको त्रियुगा र बेलका नगरपालिका क्षेत्रसहित चौदण्डीगढी नगरपालिकाका केही भागमा देखा पर्न थालेको जिल्ला अस्पताल उदयपुरका चिकित्सकले बताएका छन् । साउनको पहिलो सातादेखि डेङ्गु देखा परेको थियो भने साउनको दोस्रो सातादेखि जिल्लामा आँखा पाक्ने रोगको संक्रमण फैलिएको अस्पतालका प्रमुख झाले जानकारी दिए ।
‘स्क्रब टाइफस ब्याक्टेरिया माइड नामको जीवाणु वा एक प्रकारको जुम्राबाट सर्ने रोग हो’, उनले भने । उदयपुरमा हाल डेङ्गु, मौसमी र भाइरल ज्वरोका साथै आँखा पाक्ने संक्रमण न्यून हुँदै गइरहेको बेला स्क्रब टाइफसको संक्रमण देखा परेको चिकित्सकको भनाइ छ ।
![](https://suchanaportal.com/wp-content/uploads/2019/05/1140x100.jpg)
सम्बन्धित खवर
-
ताजा श्रावण ११, २०८१भेडेटारकाे स्काइवाक सञ्चालनमा , मुख्यमन्त्री कार्कीले गरे उदघाटन
-
ताजा श्रावण ११, २०८१वरिष्ठ लोक गायक जोशीको निधन
-
ताजा श्रावण ११, २०८१विपद्मा परी हालसम्म १३४ जनाको मृत्यु, १ सय ४८ जना घाइते
-
ताजा श्रावण ११, २०८१सौर्य एयरलाइन्स दुर्घटना : अस्पतालले भन्यो– क्याप्टेन शाक्यका तीन वटा करङ भाँच्चिएको छ
-
ताजा श्रावण ११, २०८१कार्यदल पुनर्गठन गर्दै रास्वपाले थाल्यो पार्टीको विधान संशोधन
Comments