छात्रवृत्ति विवरण नबुझाउने इटहरीका दुई बिद्यालयकाे अनुमती खारेज

- श्रावण ७, २०८० मा प्रकाशित

Share This..

इटहरी । इटहरी उपमहानगरले दिएको निर्देशन नमानेको भन्दै दुई निजी विद्यालयको सञ्चालन अनुमति रद्ध गरेको छ । तोकिएको समय अवधि भित्र छात्रवृत्ति विवरण नबुझाउने इटहरीका संस्थागत निजी विद्यालयहरूको कक्षा सञ्चालन अनुमति रद्ध गरेको हो ।

इटहरी उपमहानगर ६ मा सञ्चालित इटहरी चिल्ड्रेन स्कुल र वडा नं १० मा सञ्चालित इटहरी नमुना स्कुलको कक्षा अनुमति रद्ध गरेको हो । छात्रवृत्ति विवरण बुझाउन तिन पटक सम्म म्याद थप गर्दा पनि अटेर गरेपछि शिक्षा नियमावली अनुसार कार्वाहि स्वरूप दुवै विद्यालयको कक्षा सञ्चालन अनुमति रद्ध गरिएको उपमहानगर अन्तरगत शिक्षा शाखाले जनाएको छ ।

छात्रवृत्ति विवरण बुझाउन उपमहानगरले इटहरी क्षेत्रमा सञ्चालित निजी तथा संस्थागत बिद्यालयहरूलाइ तिन पटक सम्म पत्र पटाएको थियो । पत्रको कुनै जवाफ नआएपछि नमुनालाई ५० हजार र इटहरी चिल्ड्रेन होमलाई एक लाख जरिवाना सहित हाजिर हुन अर्को पत्र पटाएको थियो ।

उक्त पत्रको पनि कुनै जवाफ नआएपछि उपमहानगरको शिक्षा समितिको बैठकले यही शैक्षिक सत्र २०८० देखि लागु हुने गरी कक्षागत सञ्चालन अनुमति रद्ध गरिएको जनाएको छ ।