निरा पाण्डे हत्या प्रकरण: ८ मिनेटमा मारेर भागेका थिए विनोद
- बैशाख १७, २०८० मा प्रकाशित
काठमाडाै । सिक्री लुट्दा प्रतिकार गरेपछि कपनमा निरा पाण्डेको हत्या भएको खुलेको छ। हत्या आरोपमा प्रहरीले एक बाउन्सरलाई पक्राउ गरेपछि हत्याको कारण खुलेको हो। अनुसन्धानमा संलग्न प्रहरी अधिकारीका अनुसार झापाबाट शनिबार पक्राउ परेका विनोद विश्वकर्मालाई काठमाडौं ल्याउने तयारी भएको छ।विश्वकर्मालाई आइतबार काठमाडौं ल्याएर घटना सार्वजनिक गर्ने प्रहरीको केन्द्रीय अनुसन्धान ब्यूरोले तयारी गरेको छ।
दुई दिनअघि मात्रै घटना अनुसन्धानका लागि सीआईबी प्रमुख किरण बज्राचार्यको नेतृत्वमा समिति बनेको थियो। इन्ड्राइभमार्फत घटनास्थल नजिकै पुगेका विनोदले ८ मिनेटको बीचमा हत्या गरेको खुलेको हो। दिउँसो २ बजेर ४६ मिनेट जाँदा घटनास्थलमा पुगेका बिनोद ५४ मिनेट जाँदा घटनास्थलबाट बाहिरिएका थिए। तर उनले हुलिया चिन्न गाह्रो पर्नेगरी अनुहारमा मास्क लगाएका थिए। सीसी क्यामेरा फुटेजमा पनि राम्रोसँग खुल्न सकेको थिएन।प्रहरीका अनुसार पसलमा पुगेपछि विनोदले निरुलाई सामान किन्ने बहाना बनाएका थिए। पछि सिक्री लुट्न खोज्दा निरुले प्रतिकार गरेको र अनि चक्कु प्रहार गरेको खुलेको छ। निरुको शरीरका करिव २० ठाउँमा चक्कु हानिएको थियो। निरुको हत्यापछि विनोदले निरुको सिक्री लुटेका थिए। लुटेको सिक्री काठमाडौंमै बेचेर उनी झापा पुगेको खुलेको छ। प्रहरीले लामो अनुसन्धानपछि उनलाई पक्राउ गर्न सफल भएको हो।
विनोदले हत्या गर्नुको थप कारणबारे अनुसन्धान भइरहेको सीआईबीले जनाएको छ। विनोदले घटनामा आफ्नो संलग्नता स्वीकार गर्दै सिक्री बिक्री गरेको पसलबारे पनि बताइसकेका छन्। उनी काठमाडौंकै एक नाइट क्लबका बाउन्सर हुन्। तर पछिल्लो समय आफूले त्यो जागिर छाडेको उनले प्रहरीलाई बताएका छन्। ‘अहिले धेरै प्रारम्भिक कुराहरु आएका छन्। तर यी पुष्टि हुन बाँकी छ, दिउँसो पत्रकार सम्मेलन गरेर जानकारी दिन्छौं,’ सीआईबी प्रमुख एआईजी बज्राचार्यले भनिन्।
सम्बन्धित खवर
-
ताजा जेष्ठ ४, २०८१Лучшие Сайты Для Ставок и Спорт, Которым можно Доверять В 2024 Год
-
ताजा जेष्ठ ३, २०८१Рейтинг одним Онлайн-казино 2024 года Апрель Топ 10 Честных И проверенных Казино Из 39
-
ताजा बैशाख ३१, २०८१सुँगुरको मिर्गौला प्रत्यारोपण गराएका पहिलो व्यक्तिको मृत्यु
-
ताजा बैशाख ३१, २०८१छात्रामाथि बलात्कार गर्ने मौलवी पक्राउ
-
ताजा बैशाख ३१, २०८१खोलामा नुहाउने क्रममा डुबेर दुई किशोरीको मृत्यु
Comments