रास्वपा संसदीय दलको नेताबाट अर्यालले दिए राजीनामा
- बैशाख १७, २०८० मा प्रकाशित
काठमाडौं । राष्ट्रिय स्वतन्त्र पार्टी (रास्वपा) संसदीय दलको नेताबाट डोलप्रसाद (डीपी) अर्यालले राजीनामा दिएका छन् । शनिबार उनले दलको उपनेता विराजभक्त श्रेष्ठलाई राजीनामा पत्र बुझाएका हुन ।
उनले पार्टी सभापति रवि लामिछाने संसदीय दलको नेता हुने गरी मार्गप्रशस्त गरेका हुन् । आफूले ‘विषम अवस्था’मा संसदीय दलको नेताको जिम्मेवारी सम्हालेको उनले उल्लेख गरेका छन् । अब पुनः लामिछाने नै संसदीय दलको नेता हुनुपर्ने आफ्नो मत रहेको पनि उनले जनाएका छन् ।
‘…हालै सम्पन्न उपनिर्वाचनमा पार्टी सभापति रवि लामिछाने पुनः निर्वाचित हुनुभएको सन्दर्भमा उहाँ नै संसदीय दलको नेता हुनुपर्छ भन्ने मेरा अभिमत रहेको छ’, उनले राजीनामा पत्रमा लेखेका छन्, ‘त्यसैले मैले यो जिम्मेवारीमा नरहनु उपयुक्त हुने भएकाले आजकै मितिदेखि लागु हुने गरी मैले राष्ट्रिय स्वतन्त्र पार्टीको संसदीय दलको नेताको पद त्याग गर्दै राजीनामा पेस गर्दछु…।’
नागरिकता प्रकरणमा सांसद पद गुमाउनुअघि लामिछाने नै रास्वपा संसदीय दलको नेता थिए । यही वैशाख १० गते भएको उपनिर्वाचनबाट उनी पुनः सांसद बनेका हुन् ।
सम्बन्धित खवर
-
ताजा जेष्ठ ४, २०८१Лучшие Сайты Для Ставок и Спорт, Которым можно Доверять В 2024 Год
-
ताजा जेष्ठ ३, २०८१Рейтинг одним Онлайн-казино 2024 года Апрель Топ 10 Честных И проверенных Казино Из 39
-
ताजा बैशाख ३१, २०८१सुँगुरको मिर्गौला प्रत्यारोपण गराएका पहिलो व्यक्तिको मृत्यु
-
ताजा बैशाख ३१, २०८१छात्रामाथि बलात्कार गर्ने मौलवी पक्राउ
-
ताजा बैशाख ३१, २०८१खोलामा नुहाउने क्रममा डुबेर दुई किशोरीको मृत्यु
Comments