इटहरी । सुनसरीकाे इटहरी उपमहानगर २ माया घर नेपालकाे केन्द्रिय कार्यालय नजिक अवस्थित सुकल्प सामुदायिक भवन अासपास १०८ शिवलिंग स्थापना हुने भएकाे छ । बिहीबार बिराटनगरका पूर्व मेयर तथा कार्यक्रम प्रमुख अतिथी कोशी प्रदेश सभाका सदस्य भीम पराजुली लगायतले शिलन्यास गरे संगै साे स्थानमा १०८ शिवलिंग निर्माण हुने भएकाे हाे ।
अध्यात्मका माध्यमबाट मानव जीवनलाई सहज र सरल वनाउने उद्धेश्य वोकेको त्रिनेत्र अध्यात्म चिन्तन केन्द्र काेशी प्रदेशकाे संकल्पमा उक्त क्षेत्रमा १०८ शिवलिंग निर्माण हुने भएकाे हाे । काेशी प्रदेशलाइ धार्मीक पर्यटकीय क्षेत्रकाे रूपमा बिकाश तथा प्रवर्द्ध गर्न १०८ शिवलिंग स्थापना गरिने निर्माण समितीका संयाेजक बाबुराम सुवेदीले बताए । संयोजक सुवेदीले नेपाली ढुंगाको प्रयोग गरी शिवलिगं वनाइने र आगामी दुई महिनामा प्राणप्रतिष्ठा गरिने लक्ष्य राखिएको समेत वताए ।
मायाघर नेपाल , सुकल्प सामुदायिक भवन , श्री विष्णु पाञ्चायन मन्दिर ,धनकुटा इटहरी सम्पर्क समाज , दाहाल प्रतिष्ठान ,नेपाल शेर्पा संघ लगायतका संघसंस्थाहरुको नजिकमा रहेको त्रिनेत्र अध्यात्म चिन्तन केन्द्र परिषरमा निर्माण हुने १०८ शिवलिगंले आध्यात्मिक जागरणका साथै यस क्षेत्रमा धार्मिक पर्यटकीय गतिविधि वढाउने विश्वास गरिएको छ । कार्यक्रमकी अध्यक्ष त्रिनेत्र अध्यात्म चिन्तन केन्द्र कोशी प्रदेशकी अध्यक्ष प्याकुरेलले अध्यात्मिक ज्ञान सहित धार्मिक जागरणका लागि समेत केन्द्रले काम गर्दै आएको र १०८ शिवलिगं स्थापनाले यस क्षेत्रमा धार्मिक पर्यटकीय गतिविधि वढ्ने अपेक्षा गरिएको वताइन ।
कार्यक्रममा त्रिनेत्र अध्यात्म चिन्तन केन्द्रका संरक्षक महेश्वरानन्द केशर पुरी , केन्द्रीय अध्यक्ष खिलहरि यात्री , धर्तीकै पहिलो तीर्थ बराहक्षेत्र धामका मुख्य पुजारी याेगस भण्डारी, कोशी प्रदेश सभा सदस्य मिना श्रेष्ठ , सुकल्पका केन्द्रीय सदस्य फुलराज सुवेदी , धनकुटा इटहरी सम्पर्क समाजका अध्यक्ष देशवन्धु कार्की लगायतको आतिथ्य रहेको थियो । कार्यक्रममा उपस्थित अधिकांस बिशिस्ट अतिथीहरूले ब्याक्तिगत रूपमा एक एक थान शिवलिंग प्रदान गर्ने र सक्दाे सहयाेग गर्ने प्रतिवद्धता जाहेर गरेका छन ।
शिलान्यास कार्यक्रमका प्रमुख अतिथी कोशी प्रदेश सभा सदस्य पराजुलीले अध्यात्मिक क्षेत्रसंग जोडिदा जिवन अर्कै बनिने बताए ।उनले यस्ताे अध्यात्मिक क्षेत्रमा जाेडिन पाउदा खुशी लागेकाे बताउदै ब्याक्तीगत तर्फबाट एक थान शिवलिंग बनाइदिनुका साथै अावस्यक सक्दाे सहयाेग गर्ने प्रतिवद्धता जाहेर गरे । कार्यक्रमकी अध्यक्ष त्रिनेत्र अध्यात्म चिन्तन केन्द्र कोशी प्रदेश अध्यक्ष सुभद्रा प्याकुरेलले केन्द्रले चतुर्मास कथा, ध्यान र योगमार्फत जीवनदर्शन कार्यक्रम सञ्चालन गर्दै आएको उल्लेख गर्नुभयाे ।
चतुर्मास कार्यक्रम हरिशयनी एकादशी (असार २२) देखि हरिबोधिनी एकादशी (कात्तिक १५) सम्म सञ्चालन हुनेछ। यस अवधिमा धार्मिक ग्रन्थ पाठ, ध्यान, योग, सत्सङ्ग, सांस्कृतिक प्रस्तुति लगायतका दैनिक कार्यक्रमहरू गरिने जानकारी दिइएको छ। सोही बिच १०८ शिवलिंग स्थापना गरी प्राण प्रतिष्ठा समेत गर्ने तयारी रहेको छ ।
कार्तिक १७ गते देखि १९ सम्म स्थापित शिवलिंगकाे प्राण प्रतिष्ठा गरिने छ भने कार्तिक १४ देखि २१ गते सम्म चतुरमासकाे समापनको अवसरमा श्री मद भागवत ज्ञान महायज्ञ सप्ताराेहण शिव महिमा सहितको जीवन दर्शन कार्यक्रम गरिने त्रिनेत्र अध्यात्म चिन्तन केन्द्र काेशी प्रदेशकी अध्यक्ष सुभद्रा प्याकुरेलले बत्ताउनुभयो ।
Discussion about this post