- तेज बन
इटहरी । झापाको बिर्तामोड नगरपालिका–५ मंगलदीप टोलबाट प्रहरीले ठुलो परिमाणमा प्रतिवन्धित लागुऔषध लुकाएर राखेको गोदामनै नियन्त्रणमा लिएको छ । जिल्ला प्रहरी कार्यालय झापाका प्रहरी नायव उपरिक्षक तथा इलाका प्रहरी कार्यालय अनारमनीका प्रहरी प्रमुख विजय श्रेष्ठका अनुसार एमाले नेताको संलग्नतामा सो परिमाणको लागु औषध भित्रीएको र कारोबार भएको देखिएको हो । प्रहरीले उक्त टोलबाट बिहीबार नै छापा मारेर प्रतिबन्धित लागुऔषधसहित अर्जुनधारा ६ का २५ वर्षीय विनोद घिमिरेलाई पक्राउ गरेको हो । पक्राउ परेका घिमिरेले सबै लागुऔषधको कारोबारी तथा मुख्य ब्याक्ती एमाले नेता भानुभक्त खरेल रहेको बयान दिएपछि खरेलको खोजी तिब्र बनाइएको प्रहरी नायव उपरिक्षक श्रेष्ठले बताए ।
अनुशन्धान गर्दे जादा खरेलको प्रत्यक्ष संलग्नता देखिएको र नियन्त्रणमा लिएको प्रतिवन्धित लागुऔषध उनकै निर्देशनमा भित्रीएको खुलेकोले खोजी कार्य तिब्र बनाइएको प्रहरी नायव उपरिक्षक श्रेष्ठले बताए । प्रहरीले बिहीबार बिर्तामोड नगरपालिका–५ मंगलदीप टोलका स्थानिय मनकुमार संग्रौलाको घरमा छापा मारेर उक्त लागुऔषध बरामद गरेको थियो । प्रहरीले पक्राउ परेका २५ वर्षीय घिमिरेको साथबाट ट्रामाडोल हाइड्रोक्लोराइट क्याप्सुल एक लाख ३ हजार ८ सय क्याप्सुल, ट्रामाडोल हाइड्रोक्लोराइट इन्जेक्सन ट्रामाडेक्स एक हजार ८७० एम्पुल, ट्रामाडोल एण्ड एसिटामिनोफेन ट्याब्लेट चार हजार ५०, डिसाइक्लोमाइन एचसिएल ट्याब्लेट ९७ हजार ट्याब्लेट, सिल्डेनाफिल ट्याब्लेट ८ हजार ९ सय ट्याब्लेट र कम्बिप्याक अफ मिफेप्रिस्टोन ट्याब्लेट एण्ड मिसोप्रोप्सोल ट्याब्लेट ७ हजार ६५० ट्याब्लेट बरामद गरेको जनाएको छ ।इलाका प्रहरी कार्यालय अनारमनीको टोलीले सो परिमाणको प्रतिवन्धित लागुऔषध बरामद गरेको हो ।
नियन्त्रणमा लिइएको प्रतिवन्धित लागुऔषध र युवकलाइ पत्रकार सम्मेलन गरी शुक्रबार सार्वजनिक गरेको हो । प्रहरी नियन्त्रणमा रहेका २५ वर्षीय घिमिरेले पनि पत्रकारहरूको सामु प्रतिवन्धित लागुऔषधको मुख्य मालिक एमाले झापाका स्थानिय नेता भानुभक्त खरेलको रहेको बयान दिएका छन । मलाइ त उहाले९भानुभक्तले०जहा जहा पुर्याउनु भन्नुहुन्छ त्यहि पुर्याउने काम गर्छु यो सबको मालिक उहानै हो पत्रकार सम्मेलनमा घिमिरेले भनेका छन ।
भानुभक्त एमालेका झापाका स्थानिय नेताको रूपमा चिनिन्छन । उनि मेडीकल व्यवसायी पनि हुन । उनले सनलाइट फर्मा नामक फार्मेसी सञ्चालन गर्दै आएको झापा प्रहरीले बताएको छ । प्रहरीले छापा मारेको संग्रौलाको घर पनि भानुभक्तले नै भाडामा लिएको खुलेको छ । घरको दुइ वटा कोठा भाडामा लिएर भानुभक्तले प्रतिवन्धित लागुऔषधहरू भण्डारण गरेको देखिन्छ अनारमनी प्रहरी प्रमुख डिएसपी विजय श्रेष्ठले भने । नियन्त्रणमा रहेका घिमिरेले दिएको बयान र प्रहरीले गरेको अनुशन्धानले पनि भानुभक्त नै प्रतिवन्धित लागुऔषधको मालिक रहेको लगभग खुलीसकेको छ डिएसपी श्रेष्ठले भने । प्रतिवन्धित लागुऔषध समातिए संगै संलग्न भनिएको एमाले नेता भानुभक्त भने फरार रहेको र उनको खोजी कार्य भइरहेको अनारमनी प्रहरी प्रमुख डिएसपी श्रेष्ठले बताए ।
Discussion about this post