इटहरी । सुनसरी इटहरी उपमहानगर २ की २३ वर्षीया शर्मिला राई (नाम परिवर्तन) र इटहरी ३ का २२ वर्षीय सुरजमान राई विगत डेढ वर्ष देखि प्रेम सम्बन्धमा छन् । उनीहरू डेढ वर्ष देखि नै सँगै बस्दै आएको प्रेम जोडी पनि हुन । सँगै घुम्ने देखि एक अर्काको बर्थडे सेलिब्रेसन सम्म गरेका छन् । सामान्य झैँ झगडा पर्दै मिल्नु उनिहरूकालागि कुनै नौलो थिएन ।
तर असार अन्तिम साता भने शर्मिलाले इलाका प्रहरी कार्यालय परिसरमा आफूलाई जबरजस्ती करणी गरेको भन्दै सुरज विरुद्ध किटानी जाहेरी दिइन । सँगै बसेकी प्रेमिकाले आफू विरुद्ध करणी मुद्दा लगाएपछि सुरज झस्किए र तत्काल कारबाहीबाट बच्न फरार भए ।
१५ दिन पछि पुन मिल्नुपर्छ भन्दै तिनै महिलाले बोलाएपछि फरार भनिएका सुरज आफै प्रेमिकालाई लिएर प्रहरी कार्यालय पुगे । आफूले हालेको करणी मुद्दा फिर्ता गर्ने भनी कार्यालयबाट निस्किएकी उनी त्यसपछि प्रहरी सम्पर्कमा छैनन् । हाल सुरज भने जबरजस्ती करणी मुद्दामा थुनिएका छन् । सुरज साउन १३ गते प्रमिकालाइ लिएर आफै प्रहरी कार्यालय आएको इलाका प्रहरी कार्यालय इटहरीका प्रहरी निरीक्षक महेन्द्र पराजुलीले बताए ।
आन्तरिक कुरा केहाे थाहा भएन तर महिलाले जबरजस्ती करणी मुद्दा दर्ता गरेकी छिन निरीक्षक पराजुलीले भने । घटना विवरण अनुसार असार अन्तिम साता सुरज र शर्मिलाबिच सामान्य विवाद भएको थियो । विवाद पछि शर्मिलाले अाफुबिरूद्ध कुटपिट र जबरजस्ती गरेको भनी प्रहरीमा उजुरी गरेकी थिइन । उनीहरूलाई गाउँमा श्रीमान् श्रीमती भने पनि विवाह दर्ता भने नगरेका प्रहरी कार्यालयबाट बुझिएको छ । महिलाले उजुरी दिएपछि सुरजलाई नियन्त्रणमा लिइएको इलाका प्रहरी कार्यालय इटहरीले बताएको छ ।
असार १३ गते साँझ महिलालाई लिएर सुरज आफै प्रहरी सम्पर्कमा पुगेको इटहरी प्रहरी बत्ताउँछ । मिलेर घर फर्किने योजना बनाएर प्रहरी सम्पर्कमा पुगेका सुरज अहिले जबर जस्ती करणी मुद्दामा थुनिएपछि उनको परिवार न्याय खोज्दै अदालत पुगेको छ । यता सुरजलाई भने सोही मुद्दामा अदालतबाट म्याद थप गरी अावस्यकीय अनुसन्धान अघि बढाइएको इलाका प्रहरी कार्यालय इटहरीले बताएको छ ।
सुनसरीका प्रहरी प्रमुख एसपी सुमन कुमार तिम्सिना यस्ता घटना सामाजिक स्तरमा अहिले सामान्य बनिसकेको बताउँछन् । उनले पछिल्लो समय सहमतिमा कायम भएको शारीरिक सम्बन्धलाई पनि कानुनको सहारा लिएर बलात्कारको घटना बनाइ मुद्दा दर्ता गर्ने परिपाटी विकास भएको उल्लेख गरे । मुद्दा लिएर आउनेलाई खाली हात फर्काऊ महिला अधिकारकर्मी देखि पत्रकार नै जाइलाग्छन् ,प्रहरी सङ्गठनकै बदनाम हुन्छ एसपी तिम्सिनाले भने ।
यता मन मिलुन्जेल माया प्रेम ,यौन सम्बन्ध राख्न पछि नहट्ने जोडी मन नमिल्दा बलात्कार मुद्दा लगाउने परिपाटि बढदाे रहेको तथ्याङ्कले उल्लेख गरेको छ । पछिल्लो समय यस्ता घटना सम्बन्धी प्रहरी कार्यालय र अदालत परिसरमा मुद्धाकाे चाङ लाग्ने गरेको देखिएको छ । जिल्ला अदालत सुनसरीमा अघिल्लो आर्थिक वर्ष २०८१ ,८२ मा ८९ वटा जबरजस्ती करणी घटना सम्बन्धी मुद्दा दर्ता भएको जस मध्ये ४० वटा फर्स्यौट भएको श्रेस्तेदार टेकेन्द्र वीर जङ्ग राणाले बताए ।
Discussion about this post