६० किलो सुन प्रकरण : १७ जना पुर्पक्षका लागि थुनामा, तीन जनालाई धरौटी माग
- असार २६, २०८१ मा प्रकाशित
काठमाडौं । काठमाडौं जिल्ला अदालतले ६० किलो सुन तस्करी प्रकरणमा पूरक अनुसन्धानका क्रममा पक्राउ परेका तीन जनालाई धरौटीमा छाड्न आदेश दिएको छ । बाँकी १७ जनालाई पुर्पक्षका लागि थुनामा पठाउने आदेश भएको छ ।
आज (बुधबार) भएको सुनुवाइपछि न्यायाधीश कपिलमणि गौतमको इजलासले १७ जनालाई पुर्पक्षका लागि थुनामा पठाउन आदेश दिएको हो । अदालतका श्रेस्तेदार रामु शर्माका अनुसार प्रेमनाथ सेढाईं, कान्छा लामा र रुपक भण्डारीलाई धरौटीमा छाड्न आदेश दिइएको हो । यस्तै, सेढाईंसँग ५७ लाख, लामा र भण्डारीसँग ९७÷९७ लाख धरौटी माग गरिएको छ ।
त्यस्तै सिद्धनाथ अशोक गायकवाड, धिरज दिनेश भोइटे, प्रशान्त गणेश बजबलकर, चिनियाँ नागरिक गेन्जा झाछी, नेपाली नागरिकतामा सोनाम गुरुङ भएको चिनियाँ नागरिक शेराप, राजु पलासे भन्ने राजु खत्री, मनोजराज श्रेष्ठ, बैजनाथ ब्रह्मादत्त गोयल, सुरेन्द्रमान श्रेष्ठलाई पुर्पक्षका लागि थुनामा पठाउन आदेश दिएको छ । पेवेल नामक भुक्तानी प्रदायक सेवा सञ्चालन गरेका अध्यक्ष भीमप्रसाद तिमल्सिना र उनीसँगै प्रज्वल आचार्य र सुरजशम्शेर जबरा पनि पुर्पक्षका लागि थुनामा जाने भएका छन् ।
त्यस्तै अर्को पेमेन्ट गेटवे सजिलो पेका सीईओ कश्यप मानन्धर र अन्य कर्मचारी फुन्सुक डाग्पा अथुप्छाङ खम्पा, शुशीला जाकिबन्जा र एजेन्टहरू लालबहादुर कुँवर र अरुणकुमार यादवलाई पनि अदालतले पुर्पक्षका लागि थुनामा पठाउने आदेश दिएको छ । चीनबाट स्कुटरको ब्रेक शुमार्फत सुन तस्करी प्रकरणमा केन्द्रीय अनुसन्धान विभाग (सीआईबी) ले गरेको दोस्रो चरणको अनुसन्धानका क्रममा प्रतिवादीहरू पक्राउ परेका थिए ।
सम्बन्धित खवर
-
ताजा आश्विन २, २०८१प्रचण्डको दावी : देशका लागि केही गर्ने त माओवादी नै रहेछ भन्ने जनताले बुझ्न थालेका छन्
-
ताजा आश्विन २, २०८१रास्वपाले आज महाधिवेशनको मिति र ठाउँको टुङ्गो लगाउने
-
ताजा आश्विन २, २०८१इटहरी २१ करोडको लागतमा आधुनिक सभा हल निर्माण सुरु
-
ताजा आश्विन २, २०८१पश्चगामी सोंचसहित आएका संविधान संशोधनका तर्क स्वीकार्य छैन : राष्ट्रिय सभा अध्यक्ष
-
ताजा आश्विन २, २०८१रहेनन् ‘मिस्टर काठमाडौं’ विजेता राई, पाँच दिनअघि मात्र जितेका थिए उपाधि
Comments