इटहरीः सुनसरीको धरान उपमहानगरपालिका–१३ बाट प्रतिबन्धित लागूऔषध ब्राउनसुगरसहित ४ जनालाई प्रहरीले पक्राउ गरेको छ ।

पक्राउ पर्नेहरुमा धनकुटा घर भई हाल धरान–१३ मा डेरा गरी बस्ने गरेका ५० वर्षीय कालेबहादुर तामाङ, २० वर्षीय अभिषेक खड्का ,२१ वर्षीय मौसम नेपाली र ३९ वर्षीया मुना तामाङ रहेको १ नम्बर प्रदेश प्रहरी कार्यालय विराटनगरले जनाएको छ ।

विशेष सूचनाका आधारमा गएराति ११ः४५ बजे इलाका प्रहरी कार्यालय धरानबाट खटिएको प्रहरी टोलीले जाँचको क्रममा निजहरुको साथबाट २ ग्राम लागूऔषध ब्राउनसुगर बरामद गरेको हो । लागुऔषधसहित पक्राउ परेका चारै जनाउपर इलाका प्रहरी कार्यालय धरानबाट थप अनुसन्धान भइरहेको प्रहरीले जनाएको छ ।