इटहरी । एक विपन्न दृष्टिविहीन परिवारलाई सुनसरीको इटहरीमा रहेको सहयोगी हातहरु नामक संस्थाको सक्रियतामा घर निर्माण गरेर हस्तान्तरण गरिएको छ ।

इटहरी १६का दृष्टिविहीन बृद,बृद्धा उहरु चौधरी दासी र जयावती चौधरी दासीका लागि सहयोगी हातहरुले घर निर्माण गरिएको हो ।

दृष्टिविहीन चौधरी परिवारको बसोबासका लागि घर नभएर भोग्दै आएको समस्यालाई मध्यनजर गर्दै बाँसको टाटी र टिनको छानो सहितको घर निर्माण अभियान सुरु गरेर घर निर्माण सम्पन्न गरि हस्तान्तरण गरेको संस्थाका अध्यक्ष घनश्याम अधिकारी राजुले जानकारी दिए ।

दृष्टिविहीनका लागि घर निर्माण कार्यमा सहयोगी हातहरु सदस्यको श्रमदान तथा इटहरी १६का घनश्याम खड्का इटहरी १७ का आयश थापा वडा नम्बर १६का वडा सदस्य तेजनारायण चौधरी हिमाल इटा भट्टाका शिव राई लगायतले सहयोग गरेको समेत संस्थाले जनाएको छ ।

६० हजार बराबरको घर निर्माण सम्पन्न भएको घर वडा नम्वर १६का वडा सदस्य तेजनारायण चौधरीको रोहोवरमा हस्तान्तरण गरिएको सस्थाका श्याम थापाले जानकारी दिए ।