इटहरी । धरान उपमहानगरपालिकाका मेयर एवम् श्रम संस्कृति पार्टीका अध्यक्ष हर्क साम्पाङ राईले ऊर्जामन्त्री कुलमान घिसिङ कतैबाट परिचालित भएको टिप्पणी गरेका छन् ।एक अन्तर्वार्तामा राईले कुलमान रहस्यमय व्यक्ति भएको र यस्ता व्यक्ति खतरनाक हुने पनि बताएका छन् ।
उनले हालै षणा गरिएको उज्यालो नेपाल पार्टीमा कुलमानको नाम उल्लेख नभएको तर कुलमानले पार्टीको सबैथोक आफैं हुँ भनेर प्रचार गरेकोप्रति कटाक्ष गरेका हुन् ।‘त्यो पार्टीमा हेर्दा उहाँ (कुलमान) आधिकारिक रुपमा कोही पनि होइन । तर उहाँले विभिन्न ठाउँमा अस्ति घोषणा सभामा पनि गएर आफैं नै सबैथोक हो भन्नेजसरी वक्तव्यबाजी गरिराख्नुभएको छ’ उनले भनेका छन्, यसले के देखाउँछ भने वेदर ही इज कन्फ्युज्ड…।
अब कुलमान जस्तो मान्छे कन्फ्युज छ त भन्न मिल्दैन । तर हुन पनि सक्छ । अब यस्तो दोहोरो चरित्रको मान्छे, मिस्टेरियस्.. रहस्यमय मान्छे खतरनाक हुन्छ ।’उनले आफ्नो कुराले कुलमान समर्थकको चित्त दुख्नसक्ने भन्दै तर यथार्थता यही भएको र भविष्यले यो कुरा पुष्टि गर्ने दाबी गरेका छन्।कुलमानलाई कसैले प्रयोग गर्नसक्ने उनको आशंका छ । एमसीसी ल्याउन कुलमानको पनि हात रहेको भन्दै उनीबाट राष्ट्रियताको संरक्षण नहुने राईले ठोकुवा गरेका छन् ।
‘उहाँ बोर्डिङ पास जस्तो हो । मानौँ न विराटनगरबाट काठमाडौं जानुपर्यो, त्यो कागज नभइकन पनि हुँदैन’ उनले भने, ‘ठाउँमा पुगेपछि त्यसको औचित्य पनि रहँदैन ।अध्यक्ष राईले वर्तमान सरकारप्रति आफूले गरेको टिप्पणी अहिले मेल खाएको दाबी पनि गरेका छन् ।उनले वर्तमान सरकार विभिन्न विदेशी शक्तिको आडमा बनेको बताएका थिए ।
अहिले सरकारप्रति जेन्जीहरू पछुतो मानेको उनको भनाई थियो ।आफ्नै अध्यक्षतामा श्रम संस्कृति पार्टी दर्ता गराएका हर्क साम्पाङ राई हाल संगठन बिस्तार अभियानमा छन् । उनले भावी प्रधानमन्त्रीको रुपमा आफैलाई उभ्याएर जनमत बटुल्ने प्रयास पनि गरिरहेका छन् ।
Discussion about this post