इटहरी । सुनसरीको इटहरी उपमहानगरपालिका–६ स्थित पूर्वाञ्चल क्याफेमा बुधबार बिहान लागेको आगलागी नियन्त्रणमा आएको छ। धरान, इनरुवा र इटहरीबाट पुगेका पाँचवटा दमकलको सहायतामा आगो नियन्त्रणमा लिइएको हो।
जिल्ला प्रहरी कार्यालय सुनसरीका अनुसार आगो दिउँसो करिब १२ बजे पूर्ण रूपमा नियन्त्रणमा आएको थियो। क्याफेमा पुनर्निर्माणको काम भइरहेका बेला वेल्डिङ गर्दा निस्किएको झिल्को केक प्याकिङका कार्टुनमा पर्दा आगलागी सुरु भएको प्रारम्भिक अनुसन्धानबाट खुलेको छ।
आगलागीबाट करिब ३५ लाख रुपैयाँ बराबरको क्षति भएको अनुमान गरिएको इलाका प्रहरी कार्यालय इटहरीका डीएसपी सुवास हमालले जानकारी दिए। आगो नियन्त्रणका लागि नेपाल प्रहरी, सशस्त्र प्रहरी र नेपाली सेना संयुक्त रूपमा खटिएका थिए।
इटहरी चोकस्थित गोर्खा डिपार्टमेन्ट नजिक रहेको पूर्वाञ्चल क्याफे कोशी प्रदेशकै लोकप्रिय क्याफेमध्ये एक हो।
Discussion about this post