इटहरीः सुनसरीको कोशी गाउँपालिका ७ हरिपुरमा एक युवकको शव भेटिएको छ ।

सोमबार साँझ स्थानीय नहरनजिकै पानीमा शङ्कास्पद अवस्थामा शव भेटिएको जिल्ला प्रहरी कार्यालय सुनसरीले जनाएको छ । कार्यालयका प्रवक्ता प्रहरी नायबउपरीक्षक (डीएसपी) नरेन्द्र कार्कीका अनुसार शव अन्दाजी २२–२५ उमेर समूहका युवाको रहेको भएपनि हालसम्म सनाखत भने हुन सकेको छैन ।

हातमा विरोध खोपिएको टाटु रहेको बताउँदै उनले युवकको टाउकोमा चोट रहेको कारण हत्या गरेर फालेको हुन सक्ने आशंका रहेको उल्लेख गरे । शवको सनाखतका लागि फोटो सार्वजनिक गरिएको भन्दै सनाखत भएपछि साथ बाँकी अनुसन्धान सुरु हुने डीएसपी कार्कीले जानकारी दिए ।