![](https://suchanaportal.com/wp-content/uploads/2019/05/1140x100.jpg)
धरान प्रहरीलाई छक्क पार्ने विकासकाे धन्दा : पर्यटन मन्त्रालयकाे कार्ड भिरेर ब्राण्डेड मदिरा चाेरी
- मंसिर १३, २०८० मा प्रकाशित
![](https://suchanaportal.com/wp-content/uploads/2023/11/dharan-foto.jpg)
इटहरी । पर्यटन मन्त्रालयको कर्मचारी बताउने एक युवक मदिरा चोरीको आरोपमा धरानबाट पक्राउ परेका छन् । पक्राउ पर्नेमा धरानकै विकाश साह रहेका छन् ।
इलाका प्रहरी कार्यालय धरानका अनुसार विकासलाई ब्राण्डिङ मदिरा चोरीको अभियोगमा पक्राउ गरिएको हो । मदिरा व्यवसायी सङ्घको उजुरीको आधारमा उनलाई धरानकै एक मदिरा पसलबाट रंगेहात पक्राउ गरिएको इलाका प्रहरी कार्यालय धरानले जनाएको छ । विकासको साथबाट प्रहरीले पर्यटन मन्त्रालय अन्तरगत शाखा अधिकृतको नक्कली परिचय पत्र भेटिएको जनाएको छ ।
उनलाई नियन्त्रणमा लिएर थप अनुसन्धान गरिरहेको धरान प्रहरीको भनाइ छ । मदिरा चोरी गर्न उनले बा ७ च ४४८० कार चढेर आउने गरेको प्रहरी भनाइ छ । मदिरा किने जस्तो गरेर चोरी गरी फरार हुने विकाश व्यवसायीहरूलाई आफू बिपी प्रतिष्ठानको चिकित्सक बताउने गरेको पनि प्रहरीले जनाएको छ ।
यस्तो छ घटना
घाटीमा पर्यटन मन्त्रालयको परिचय पत्र भिरेको विकास नाम बताउने एक युवा धरानको मदिरा पसलमा छिरेर फोन पेइ गर्ने भन्दै दैनिक ३ वटा सम्म ब्राण्डिङ मदिरा लिएर हिडछन । भोलि पल्ट सोही मदिरा वाेल्लाे पसलमा गएर सस्तो दाममा बिक्री गर्छन् । यो क्रम निरन्तर चलिरहेपछि सहरमा खैला बैला मच्चिन्छ ।
मदिरा पसलबाट दिनहुँ ब्रान्डिङ मदिरा हराउन थालेपछि व्यवसायीहरू प्रहरी कहाँ पुग्छन् र घटना विवरण सुनाउँछन् । पसलमा मालिक नभएको बेला पुगेर एउटा एउटा मदिरा चोरी हुन थालेको गुनासो प्रहरीकहाँ पुगेपछि अनुसन्धान सुरु हुन्छ । व्यवसायीले आ आफ्नो पसलमा निगरानी राख्न सुरु गर्छन् ।व्यवसायीहरूलाई आफू मन्त्रालय अन्तरगत शाखा अधिकृत र कतै बिपीको चिकित्सक बताउँदै मदिरा फुत्काएर भाग्ने गरेपछि विकाश विरुद्ध निगरानी बढाउन सुरु गर्छन् ।
लामो समयको निगरानी पछि घाटीमा पर्यटन मन्त्रालयको परिचय पत्र बोकेर एक युवक कार चढेर अाउछन र मनोकामना कोल्ड सेन्टरमा रेड लेबल माग्छन् तर पैसा फोन पे मार्फत गरिदिन्छु भन्छन् र फोन निकालेर केही समय अलमलिन्छन् , मोबाइल पासवर्ड बिर्सिए जस्तो गरेर अन कनिन थाल्छन् ।त्यही बेला पसलमा अन्य ग्राहकहरू आएर साहुजीलाई अलमलाइ दिन्छन् र मौका हेरेर ति युवक त्यहाँबाट फरार हुन्छन् ।
यही घटना धरानका अन्य मदिरा पसलमा पनि दोहोरिन पुग्छ र ती युवाको खोजी सुरु हुन्छ । नभन्दै मदिरा पसलहरूबाट चोरेर भेला गरेको ब्राण्डेड मदिराहरू धरानको भानुचाैक स्थित श्रवण गुप्ताले सञ्चालन गरेको बाबा कोल्ड ड्रिङ्क्समा पुगेर बजार भाउ भन्दा सस्तोमा बिक्री गर्न खाेज्छन र यही मौकामा ती युवा समातिन्छ । उनले उक्त पसलमा रेड लेबल ,ब्ल्याक लेबल, ब्ल्याक चिम्नी र वर्ड दरबार , केही थान ह्विस्की लिएर बिक्री गर्न खोजेका थिए ।
![](https://suchanaportal.com/wp-content/uploads/2019/05/1140x100.jpg)
सम्बन्धित खवर
-
ताजा श्रावण १२, २०८१भारतमा बन्धक बनाइएका २८ मजदुरको उद्धार, प्रधानमन्त्री ओलीद्वारा धन्यवाद
-
ताजा श्रावण १२, २०८१मनाङबाट ३२ किलो यार्सागुम्बा निकासी
-
ताजा श्रावण १२, २०८१अष्ट्रेलियालीले हरेक वर्ष फ्याँक्छन् सात लाख टन बढी खाना
-
ताजा श्रावण १२, २०८१भीषण आगलागीका कारण क्यानडाको ऐतिहासिक सहर ज्यास्पर आधा ध्वस्त
-
ताजा श्रावण १२, २०८१बर्दिबास नगरपालिकाले सर्पदंशका बिरामीको निःशुल्क उपचार गर्ने
Comments