इटहरी । बालबालिकामा लगानी,सुनिश्चित भबिस्यको थालनी भन्ने मुल नाराका साथ देशव्यापी रुपमा मनाईएको बाल दिवसको दिन क्रिम्सन एकेडेमी इटहरी २ हवाईचोकले विभिन्न कार्यक्रम सहित बालदिवस मनाएको छ ।

बालबालिकालाई व्यबहारिक ,संस्कार सहितको शिक्षा दिने मुल उद्देश्य सहित स्थापना काल देखिनै फरक तरिकाले शैक्षिक गतिविधि गर्दै आएको यस स्कुलले बाल दिवसको उपलक्ष्यमा जनचेतनामूलक र्‍याली गरेको छ । समाजमा बालअधिकार बारेमा जानकारी दिने र जनचेतना फैलाउन हातमा प्लेकार्ड र ब्यानर सहित बालबालिकाहरू चोक परिक्रमा गरेका थिए ।उक्त कार्यक्रम पश्चात् चेतनामूलक डकुमेन्ट्री प्रदर्शन तथा लेखन कलाको प्रतिस्पर्धा समेत गरिएको थियोे ।
बालबालिकाहरू लाई कक्षाको चार पर्खालमा राखेर पढाउनु भन्दा समुदायमा अवलोकन गराई सिकाउनु को महत्त्व धेरै रहेको र आगामी दिनहरूमा अझ व्यवहारिक र संस्कार सहितको शिक्षामा जोड दिने प्रमुख उद्देय रहेको कुरा यस स्कुलका संयोजक श्री प्रकाश खतिवडाले बताउनुभयो ।