पाँचथर बम विस्फोट घटना : बालकको उपचार सरकारले गर्ने
- भाद्र २३, २०८१ मा प्रकाशित
पाँचथर, बम विस्फोटमा परी घाइते भएका फालेलुङ ५ डाँडागाँउका दुई जना बालकको उपचार सरकारले गर्ने भएको छ ।
पाँचथरमा भएको बम विस्फोटमा परी ७ वर्षीय दिप्सन राई र ११ वर्षीय पवन राई घाइते छन् । उनीहरुको सम्पूर्ण उपचार खर्च सरकारले व्यहोर्ने स्वास्थ्य मन्त्री प्रदीप पौडेलले बताए ।
कीर्तिपुर अस्पतालको बर्न शाखामा पवन र दिप्सनको उपचार भइरहेको छ । स्वास्थ्य मन्त्री प्रदीप पौडेलले शनिवार अस्पताल पुगेर बालकहरूको स्वास्थ्य अवस्थाबारे जानकारी लिएका थिए । उक्त अवसरमा घाइते बालकको सम्पूर्ण उपचार खर्च सरकारले लिने पौडेलले प्रतिबद्धता व्यक्त गरेका हुन् ।
‘घाइते बालकहरूको उपचारमा लागेको खर्च सरकारले व्यहोर्छ,’ पौडेलले भने ‘खर्च अभावले घाइतेहरू छटपटाउनु पर्दैन । उपचार खर्च सरकारले व्यहोर्छ ।’भदौ १३ गते डाँडागाँउका आइतबहादुर केरुङको घरमा बम विस्फोट हुँदा चार जना बालबालिका घाइते भएका थिए । घाइतेमध्ये दिलीप साँवाका ११ वर्षीय छोरा दिप्सन र २ बर्सिया छोरी प्रिन्सिपल साँवाको निधन भएको थियो ।
पवन र दिप्सनलाई जिल्ला अस्पताल पाँचथर र विराटनगरको कोशी अञ्चल अस्पतालमा सामान्य उपचार पछि घर लगिएको थियो । आर्थिक अभावले उपचार प्रक्रिया पूरा नगरी घाइते बालकहरूलाई घर लगेपछि मानवअधिकारवादी संस्था सिबिनको पहलमा पवन र दिप्सनलाई कीर्तिपुर अस्पतालको बर्न शाखामा भर्ना गरिएको थियो ।पवनको आइसियुमा राखेर उपचार भइरहेको छ भने दिप्सनको जनरल वार्डमा राखेर उपचार भइरहेको छ ।
सम्बन्धित खवर
-
ताजा आश्विन ३, २०८१संविधान दिवसको भाषणमा पनि बालेनविरुद्ध ओली कटाक्ष: ‘…आगो लगाउँछु भन्नेहरूबाट बचाउनुहोला’
-
ताजा आश्विन ३, २०८१वरिष्ठ साहित्यकार गिरिराज शर्माको अन्त्येष्टि
-
ताजा आश्विन ३, २०८१नौं वर्षपछि खुलेको धरहरा चढ्न सर्वसाधारणको भिड
-
ताजा आश्विन ३, २०८१राउटे समुदायका एक युवकको मृत्यु, जनसंख्या १३४ मा झर्यो
-
ताजा आश्विन ३, २०८१सुनको मूल्यमा लगातार गिरावट, आज थप घट्यो , चाँदी पनि सस्तियो
Comments