इटहरीः धरान –भेडेटार सडक खण्डको देवीथान सडक खण्डमा शुक्रबार भएको सवारी दुर्घटनामा एक जनाको मृत्यु भएको छ ।

धरानबाट भेडेटारतर्फ गइरहेको को १ ख ४४८० नम्बर को बसले को २ ह ७०४१ नम्बरको टेम्पोलाई ठक्कर दिँदा दुर्घटना भएको प्रहरीले बताएको छ ।

दुर्घटनामा परी टेम्पो चालक धरान १७ का खड्ग कामीको घटनास्थलमै मृत्यु भएको छ भने टेम्पोमा सवार ताप्लेजुङ्ग जिल्लाको लिखु गाउँपालिका २ कि १५ वर्षीया उषा लिम्बू घाइते भएकी छन् । घाइते लिम्बूको बीपी कोइराला स्वास्थ्य विज्ञान प्रतिष्ठान धरानमा उपचार भइरहेको इलाका प्रहरी कार्यलय धरानले जनाएको छ ।