दुवै चालक पक्राउ 

इटहरी । सुनसरीकाे इटहरीस्थित बालग्राममा आइतबार दिउसाे भएकाे दुर्घटनामा संलग्न ट्रिपर र म्याजिक भ्यानका चालकलाइ प्रहरीले नियन्त्रणमा लिएकाे छ ।

टिपर चालक मोरङको सुन्दरहरैँचा ३ गछियाका ३५ वर्षीय सागर मग्राती र म्याजिक भ्यान चालक इटहरी १२ खनारका ३९ वर्षीय श्याम बिकलाई नियन्त्रणमा लिइएकाे इटहरी प्रहरीले जनाएकाे छ ।

घटनाबारे प्रहरीसंग बुज्दा सुरूमा ट्रिपरले ठक्कर दिएकाे र गुरूङ दम्पती भुइमा बजारिना साथ म्याजीकले किचेर मृत्यु भएकाे जनाइएकाे छ ।

आइतबार  दिउँसो १२ बजे इटहरी-१७ बालग्राम चौकमा को ३६ प ५६३७ नम्बरको बुलेट मोटरसाइकललाई ट्रिपर र म्याजिकले ठक्कर दिदा संखुवासभा धर्मदेवी नगरपालिकाका ३२ वर्षीया युवराज गुरुङ र उनकी पत्नी टीका गुरुङको मृत्यु भएको थीयाे ।

श्रीमती टिका गुरूङकाे किडनी सम्बन्धी उपचार गराउन आएका दम्पतीकाे इटहरी दुर्घटनामा परी मृत्यु भएपछि संखुवासभाकाे धर्मनाथ गाउपालिका शाेकमा डुबेकाे छ ।