चितवनमा महिलाको हत्या गरी भीरबाट फ्याँकेको आरोपमा ज्वाइँ पक्राउ
- आश्विन २८, २०८१ मा प्रकाशित
चितवन । चितवनमा भाउजुको हत्या आरोपमा ज्वाइँ (नन्दको श्रीमान) पक्राउ परेका छन् । माडी नगरपालिका–७ की ७१ वर्षीया विष्णुमाया रानाभाटको हत्या आरोपमा स्थानीय ६२ वर्षीय टीकाराम रानाभाटलाई प्रहरीले पक्राउ गरेको हो ।
रानाभाटले भाउजुको हत्या गरी भिरबाट फालेको प्रारम्भिक अनुसन्धानबाट खुलेको जिल्ला प्रहरी कार्यालय, चितवनका सूचना अधिकारी भेषराज रिजालले जानकारी दिए । असोज १९ गतेदेखि घरबाट हराइरहेकी विष्णुमायाको शव असोज २१ गते घर नजिकै रहेको सामुदायिक वनको भिरमा भेटिएको थियो ।
घटना शङ्कास्पद भएपछि अनुन्धानका क्रममा पक्राउ परेका टीकारामले प्रहरी समक्ष हत्या गरेको स्वीकार गरेको प्रहरीको दाबी छ । टीकारामलाई प्रहरीले असोज २३ गते पक्राउ गरेको थियो । प्रहरीले घटनामा प्रयोग भएको खुर्पा, मृतकको सुनका गहना दुई ठूला रिङ, पाँच साना रिङ, हत्याको समयमा प्रयोग गरिएका कपडाहरु बरामद गरेको छ । रिजालका अनुसार टीकारामलाई चितवन जिल्ला अदालतबाट हिरासतमा राख्न अनुमति लिई अनुसनधान अघि बढाइएको छ ।
सम्बन्धित खवर
-
ताजा कार्तिक २, २०८१दसैँ अवधीभर कोशी प्रदेशमा दुई सय ६९ सवारी दुर्घटना, १४ जनाको मृत्यु , इटहरीमा मात्रै १६ दुर्घटना : बाह्र दिनमा सात हजार पाँच सय ९१ वटा सवारी कारबाहीमा
-
ताजा कार्तिक २, २०८१टी-२० आई क्रिकेट: अमेरिकालाई नेपालले दियो १६५ रनको लक्ष्य
-
ताजा कार्तिक २, २०८१हमासका प्रमुख मारिएपछि इजरायलमा विजयी उल्लास, के अब युद्ध अन्त्य होला ?
-
ताजा कार्तिक २, २०८१राजविराज कारागारमा क्षमताभन्दा चौब्बर कैदीबन्दी, कारागारको जग्गा पनि अतिक्रमण
-
ताजा कार्तिक २, २०८१कोसी सरकारको न्यूनतम साझा कार्यक्रम सार्वजनिक, पारदर्शीता, सुशासन, रोजगारी र विकास परियाेजनालाई विशेष प्राथमिकता
Comments