इलामबाट मदिरासहित बोलेरो गाडी नियन्त्रणमा
- असार १९, २०८० मा प्रकाशित
इलाम । इलाममा मोटरपार्ट्स तथा मदिरासहित प्रहरीले बोलेरो गाडी नियन्त्रणमा लिएको छ।इलाम जिल्लाको सुर्योदय नगरपालिका २ टासीगाउँ इलाकाबाट सशस्त्र प्रहरीले करिब ७ लाख ८२ हजार रुपैयाँ बराबरको चोरीपैठारीको मोटरपार्ट्स तथा मदिरासहितको बोलेरो पिकअप गाडी नियन्त्रणमा लिएको हो।
प्रदेश नं. १–०३–००१ ज ००१९ नम्बरको सो गाडीमा राखी भारतबाट अवैध सामान ल्याउँदै गरेको अवस्थामा सीमा सुरक्षा गुल्म पशुपतिनगरले नियन्त्रणमा लिएको सशस्त्र प्रहरीका प्रहरी नायव उपरीक्षक एवं सहप्रवक्ता शैलेन्द्र थापाले जानकारी दिए।
गाडीभित्र डिजेल पाइप ८ थान, ब्याक लाइट कभर १० थान, इन्डिकेटर लाइट २० थान, पुस अटो स्विज २ प्याकेट, कार्वन १० थान, हेडलाइट १ थान, सिसाफ्रेम १० थान तथा हिट बियर ७२ कार्टुन र सिक्किमे रम ३८ कार्टुन फेला परेको बताइएको छ।
बरामद मोटरपार्ट्स तथा मदिरा गाडीसहित थप अनुसन्धान तथा कारवाहीको लागि पशुपतिनगर भन्सार कार्यालय इलाममा बुझाइएको छ।
सम्बन्धित खवर
-
ताजा कार्तिक १६, २०८१पिकनिक गएर फर्किने क्रममा तीन दिनदेखि बेपत्ता युवती मृत्त फेला
-
ताजा कार्तिक १६, २०८१तिहारमा भाइटिकाकाे दिनपनि झापा , माेरङ ,सुनसरीमा वर्षाकाे सम्भावना
-
ताजा कार्तिक १६, २०८१फेसने सहर धरानमा ‘सांस्कृतिक तिहार’
-
ताजा कार्तिक १६, २०८१रुसले गुगलमाथि लगायो विश्वभरको रकम जोड्दा पनि नपुग्ने जरिवाना
-
ताजा कार्तिक १६, २०८१तीन पटकको च्याम्पियन इङ्ल्याण्डमाथि नेपालको शानदार जित
Comments