इटहरी । सुनसरी र माेरङ जिल्लामा केहि क्षेत्रका मतगणना सुरु गर्ने तयारी भएको छ । माेरङकाे ३ वटा क्षेत्र र सुनसरीकाे केहि क्षेत्रमा मतगणना सुरू गर्ने तयारी भइरहेकाे हाे । सुनसरीकाे क्षेत्र नं २ काे सर्दलीय बैठक अावहान गरिएकाे छ बैठक केहि क्षणमै सुरू हुने तयारी भइरहेकाे छ ।

माेरङकाे भने तिन वटा क्षेत्रकाे मतगणना सुरू हुने तयारी भइरहेकाे मुख्य निर्वाचन अधिकृत कार्यालयका सहायक निर्वाचन अधिकृत हेमबहादुर बुढाथोकीले जानकारी दिए । सोमबार बिहान सर्वदलिय बैठक पछि तीन वटा क्षेत्रको मतगणना सुरु गर्ने तयारी भएको हो । मोरङ  क्षेत्र नम्बर ४, ५ र ६ को मतगणना विराटनगरको आदर्श माविमा हुँदैछ ।

बैठकपछि गणना सुरु गर्ने उनले बताए । क्षेत्र नं १ को उर्लाबारी नगरपालिका कार्यालय, २ को रतुवामाईको विश्वनाथ मन्दिर र क्षेत्र नम्बर ३ को भगवती मावि, बेलबारीमा मतगणनाको तयारी भईरहेको मुख्य निर्वाचन अधिकृत दुर्गाप्रसाद ढुङ्गेलले जानकारी दिए।

आइतबार भएको निर्वाचनमा मोरङमा ६६ दशमलव २२ मत खसेको प्रदेश निर्वाचन कार्यालयका प्रमुख लेवन कश्यप अधिकारीले बताए। यता सुनसरी क्षेत्र नं ३ मा पनि मतगणनाकाे तयारी चुस्त गतिमा भइरहेकाे साे क्षेत्रका मतदान अधिकृत उमाकान्त पाैडेलले बताए । हाल साे क्षेत्रमा सर्वदलीय बैठककाे तयारी भइरहेकाे पनि उनले बताए ।