बाबुसँग झगडापछि आफ्नै पेटमा चक्कु रोपेका युवकको मृत्यु
- आश्विन २९, २०८१ मा प्रकाशित
दाङ । दाङमा आफै पेटमा चक्कु रोपेका युवकको मृत्यु भएको छ । भक्तपुरको नगरकोट नगरपालिका– १४ का २८ वर्षीय अनिल तामाङको उपचारका क्रममा दाङको तुलसीपुरस्थित राप्ती प्रादेशिक अस्पतालमा मृत्यु भएको हो ।
तामाङले मंगलबार बिहान साढे ९ बजे आफ्नै पेटमा छुरा प्रहार गरेपछि उपचारका लागि तुलसीपुर ल्याइएकोमा पौने ११ बजेतिर उनको मृत्यु भएको इलाका प्रहरी कार्यालय तुलसीपुरका प्रहरी प्रवक्ता प्रहरी निरीक्षक प्रकाश थापाले जानकारी दिए ।
अनिल असोज २३ गते मात्रै दाङको बबई गाउँपालिका– ४ हापुरे आएका थिए । अनिलका बुवा, दाजु र बहिनी लगायत परिवारका सदस्यले हापुरे बजारमा डोल्मा होटल सञ्चालन गर्दै आएका थिए । प्रहरी निरीक्षक थापाका अनुसार अनिलले बिहानै मदिरा सेवन गरी बुवा सोमार तामाङसँग झगडा गरेपछि आफ्नै पेटमा छुरा हानेका थिए । प्रहरीका अनुसार अनिलले सम्पत्तिको बिषयमा बाबु (बुबा) सोमारसँग यसअघि पनि पटक–पटक विवाद भएको थियो ।
बिहान सोही विषयमा बाबु छोराबीच सामान्य विवाद भएपछि अनिल आफैले आफ्नो पेटमा छुरा प्रहार गरेको प्रहरी निरीक्षक थापाले जानकारी दिएका छन् । प्रहरीले छोराको उपचारका लागि आएका बुवा सोमारलाई तुलसीपुरबाट र अनिलका ३१ वर्षीय दाजु पूर्णलाई हापुरेस्थित होटेलबाट नियन्त्रणमा लिएको छ । उनीहरूसँग घटनाबारे सोधपुछ भइरहेको छ । मृतकको शव तुलसीपुरस्थित राप्ती प्रादेशिक अस्पतालमा राखिएको छ ।
सम्बन्धित खवर
-
ताजा कार्तिक २, २०८१दसैँ अवधीभर कोशी प्रदेशमा दुई सय ६९ सवारी दुर्घटना, १४ जनाको मृत्यु , इटहरीमा मात्रै १६ दुर्घटना : बाह्र दिनमा सात हजार पाँच सय ९१ वटा सवारी कारबाहीमा
-
ताजा कार्तिक २, २०८१टी-२० आई क्रिकेट: अमेरिकालाई नेपालले दियो १६५ रनको लक्ष्य
-
ताजा कार्तिक २, २०८१हमासका प्रमुख मारिएपछि इजरायलमा विजयी उल्लास, के अब युद्ध अन्त्य होला ?
-
ताजा कार्तिक २, २०८१राजविराज कारागारमा क्षमताभन्दा चौब्बर कैदीबन्दी, कारागारको जग्गा पनि अतिक्रमण
-
ताजा कार्तिक २, २०८१कोसी सरकारको न्यूनतम साझा कार्यक्रम सार्वजनिक, पारदर्शीता, सुशासन, रोजगारी र विकास परियाेजनालाई विशेष प्राथमिकता
Comments