इटहरी । सुनसरीको इटहरी – इनरुवा सडक खण्ड अन्तरगत पकली नजिक मोटरसाइकल दुर्घटना हुँदा तिन जनाको मृत्यु भएको छ । पूर्वबाट पश्चिम तर्फ गइरहेको  BR ७३ E ९११७ नं काे बाेलेराे र विपरीत दिशाबाट आइरहेको काे २९ प ३७१२ नं काे मोटरसाइकल एक आपसमा जुधेर दुर्घटना भएको हो ।

 दुर्घटनामा इटहरी-१६ का २७ वर्षीय शम्भु चौधरी २६ वर्षीय करण चौधरी र २४ वर्षीय अनिमेष चाैधरीकाे मृत्यु भएको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीले जनाएको छ । दुर्घटना शुक्रवार राती भएको जनाइएको छ । 

मोटर साइकलमा ४ जना सवार रहेको प्रहरीले बताएको छ । दुर्घटनामा २ जनाको घटनास्थलमै मृत्यु भएको र एकजनाकाे उपचारको क्रममा मृत्यु भएको प्रहरीले जनाएको छ । मोटर साइकलमा सवार अर्का २६ वर्षीय प्रेम चाैधरीकाे अवस्था गम्भीर रहेको प्रहरी भनाइ छ । उनकाे विराटनगरस्थित गाेल्डेन अस्पतालमा उपचार भइरहेको प्रहरीले जनाएको छ । दुर्घटनापछि पिक अप र मोटरसाइकल प्रहरीले नियन्त्रणमा लिएको छ ।

यता दुर्घटनामा मृत्यु भएका तिनै जना एकै गाउका परेपछि इटहरी उपमहानगर १६ जब्दी गाउँ पुरै शोकमा डुबेको छ । घाइते पनि सोही गाउका परेपछि सिङ्गो गाउँ पिडामा परेको छ ।