इटहरी । सुनसरीको धरान उपमहानगरकाे बिभिन्न क्षेत्रबाट प्रतिबन्धित लागूऔषध सहित छ जनालाई प्रहरी पक्राउ गरेको छ ।अस्थाई प्रहरी पोष्ट विजयपुर धरानबाट खटिएको प्रहरीको टोलीले धरान उप–महानगरपालिका–१४ का २१ बर्षीय रन्जित तामाङ, १९ बर्षीय नेल्शन याक्खा, २० बर्षीय शाहील भण्डारी र १९ बर्षीय शेखर परियारलाई प्रतिबन्धित लागूऔषध स्पास्पेन– २४८ ट्यावलेट र ट्रामाडोल–३३० ट्याव्लेट सहित नियन्त्रणमा लिएको हो ।

त्यस्तै इलाका प्रहरी कार्यालय धरानबाट खटिएको प्रहरीको टोलीले धरान–५ का २६ बर्षीय अमन राई र धरान–३ का ३४ बर्षीय मनकुमार श्रेष्ठलाई ट्रामाडोल-६०३९ ट्रयाव्लेट, स्पास्पेन–४१४० ट्याव्लेट, डाईजेपाम–१५६ एम्पुल र नगद ६५ हजार ९ सय ४४ रुपैँया सहित नियन्त्रणमा लिएको हो । पक्राउ परेका छ जनालाई आवश्‍यक कारवाहीको लागि औषधी ब्यवस्था बिभाग बिराटनगर पठाईएको इलाका प्रहरी कार्यालय धरानले जनाएको छ ।