इटहरीः मोरङको उर्लाबारी नगरपालिका–४, आइतबारेमा सवारी दुर्घटनाबाट १ जनाको मृत्यु भएको छ ।

हिजो राति ८ः४५ बजे पूर्वबाट पश्चिमतर्फ जाँदै गरेको को १ च ६३९९ नम्बरको पिकअप भेनले विपरीत दिशाबाट आउँदै गरेको को ३२ प ६९३१ नम्बरको मोटरसाइकललाई ठक्कर दिँदा घाइते भएका मोटरसाइकल चालक दमक नगरपालिका–३ का २८ वर्षीय राजन धिमालको अरनिको अस्पताल उर्लाबारीमा उपचारको क्रममा मृत्यु भएको १ नम्बर प्रदेश ट्राफिक प्रहरी कार्यालय इटहरीले जनाएको छ ।

ठक्कर दिने पिकअप र चालक उर्लाबारी–४ का २१ वर्षीय दीपेन्द्र बोहोरालाई इलाका प्रहरी कार्यालय उर्लाबारीले नियन्त्रणमा लिई थप अनुसन्धान गरिरहेको प्रहरीले जनाएको छ ।