![](https://suchanaportal.com/wp-content/uploads/2019/05/1140x100.jpg)
इटहरीमा भानुजयन्तीकाे अवसर पारेर दुइ साहित्यकारलाई सम्मान
- असार २९, २०८१ मा प्रकाशित
![](https://suchanaportal.com/wp-content/uploads/2024/07/sss.jpg)
इटहरी । साहित्यिक क्षेत्रमा उल्लेखनीय भुमिका र योगदान गरेको भन्दै आदिकवि भानुभक्त आचार्यको २११औं जन्मजयन्तीको अवसर पारेर इटहरी साहित्यिक समुहले दुइ जना लाई सम्मान गरेको छ । बहुउद्देश्यीय सहकारी संस्थाको हलमा भएको कार्यक्रममा इटहरीकी कवि टिका आत्रीयलाई इटहरी साहित्यिक समुहले नगद १५हजार सहित इटहरी काव्य पुरस्कारबाट सम्मान गरेको हो ।
त्यस्तै बेलबारीकी कथाकार विष्णुदेवी भण्डारी आचार्य लाई टिका मिलन घिमिरेले स्थापना गरेको भिमादेवी घिमिरे स्मृती पुरस्कार बाट नगद ५ हजार सहित सम्मान गरेको छ । सम्मानीत आत्रीय र भण्डारी लाई कार्यक्रमका प्रमुख अतिथी सुनसरी जिल्लाका प्रमुख जिल्ला अधिकारी रामचन्द्र तिवारी र साहित्यिक समुहका अध्यक्ष हेमन्त गौतम लगायतले सम्मान पत्रले सम्मान गरिएको इटहरी साहित्यिक समुहका सचिव जगदिस सापकोटाले जानकारी दिए ।
आदिकवि भानुभक्त आर्चायका जन्म जयन्तीका अवसरमा आयोजना गरिएको सम्मान सहितको साहित्यिक कार्यक्रममा प्रमुख वक्ता डा. दिवाकर रेग्मीले लगायतले आदिकविका व्यक्तित्व र कृतित्वका विषयमा चर्चा गरेका थिए । इटहरी साहित्यिक समुहले साहित्यका क्षेत्रमा निरन्तर कलम चलाएका श्रृष्टाहरु लाई प्रत्येक वर्ष प्रोत्सान स्वरुप सम्मान गर्दै आएको छ । यो वर्ष बाट दुई जना सम्मान गर्दै आगामी दिनहरुमा अक्षयकोषलाई थप गर्दै साहित्यकारहरु लाई साहित्यकको क्षेत्रमा अझ उचाईमा लान प्रत्येकसाल सम्मान गर्दै जाने साहित्यिक समुहका अध्यक्ष हेमन्त गौतमले बताए ।
सीता दाहाल,पुण्य चौलागाँई लगायतले आदिकविको चर्चा सहित कविता वाचन गरेर आदिकविलाई स्मरण गरेका थिए ।कार्यक्रममा इटहरी साहित्यिक समुहका पुर्व अध्यक्ष कृष्ण विनोद लम्साल , कृष्ण अधिकारी, हंसवाहिनी फ्रिल्मका अध्यक्ष कृष्ण नेपाल,समाजसेवी – रामचन्द्र अधिकारी लगायत इटहरीका साहित्यिक पारखीहरुको उल्लेखनीय सहभागिता रहेको थियो ।
![](https://suchanaportal.com/wp-content/uploads/2019/05/1140x100.jpg)
सम्बन्धित खवर
-
ताजा भाद्र २२, २०८१पल शाह भन्छन : काठमाडाैंमा घर बनाउने सपना थीयाे तर एउटै मुद्धाले सबै सपना चकनाचुर बनाइदियाे
-
ताजा भाद्र २२, २०८१इजरायली सेनाको गोलीबाट २६ वर्षीया अमेरिकी-टर्की युवतीको मृत्यु
-
ताजा भाद्र २२, २०८१सुनिता विलियम्सलाई अन्तरिक्षमै छाडेर पृथ्वीमा फर्कियो स्टारलाइनर
-
ताजा भाद्र २२, २०८१राजनीतिक परिवर्तनप्रति कर्मचारीहरुको योगदान प्रशंसायोग्य : प्रधानमन्त्री
-
ताजा भाद्र २२, २०८१चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा
Comments