काठमाडौँ । केहि महत्वपूर्ण निर्णय गर्नका लागि आज (बिहीबार) मन्त्रिपरिषद्को बैठक बस्दै छ । अहिले बिहान साढे ९ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बैंठब बस्न लागेको स्रोतले जानकारी दिएको छ ।

आजको बैठकले मुख्यसचिव परिवर्तन तथा राजदूत नियुक्तिबारे निर्णय गर्ने स्रोतले जनाएको छ । स्रोतका अनुसार वर्तमान मुख्य सचिव शंकरदास वैरागीलाई राजदूत बनाएर प्रधानमन्त्री तथा मन्त्रिपरिषद्को कार्यालयमा कार्यरत डा. वैकुण्ठ अर्याललाई मुख्यसचिव बनाउने तयारी सरकारले गरेको छ ।

‘वैकुण्ठ अर्याललाई मुख्यसचिव बनाउने तयारी छ’, मन्त्रिपरिषद् स्रोतले भन्यो, ‘वैरागीले अमेरिकाका लागि राजदूत बन्ने चाहना देखाएका छन् ।’ उक्त तयारीमा कुनै फेरबदल नआए अर्याल मुख्यसचिव बन्ने र वैरागी राजदूत बन्ने निश्चित रहेको भएको स्रोतको दाबी छ ।