इटहरी । इलाका प्रहरी कार्यालय पथरीले चोरीको २ वटा मोटरसाइकल सहित २ जनालाई पक्राउ गरेको छ । उर्लाबारीको सिमसार क्षेत्रबाट उर्लाबारी ९ दुर्गापुरीका २७ वर्षका प्रदिप योन्जन र मझुवा ४ सिन्धुली २५ वर्षे सरोज मगरलाई प्रहरीले पक्राउ गरेको हो ।

उनीहरुसहित गत आइतबार को ३८ प ९६१४ नम्बर पल्सर मोटरसाइकल र को २० प १९४२ नम्बरको पल्सर मोटरसाइकल सहित पक्राउ गरिएको थियो ।

प्रहरीले जानकारी दिए अनुसार उक्त मोटरसाइकल इटहरीबाट गत फागुन २० गते हराएको र पक्राउ परेका मोटरसाइकल सहित उनीहरुलाई इलाका प्रहरी कार्यालय इटहरी नै पठाउने तयारी भएको पथरी प्रहरीले जनाएको छ ।

फागुन २० गते शनिबार राति इटहरी ९बस्ने हेमनारायण श्रेष्ठको को २५ प ५३४० नम्बरको २२०सिसिको पल्सर मोटरसाईकल र डम्बर राईको को २० प १९४३ नम्बरको २२०सिसिकै मोटरसाईकल आ–आफ्नो घरमा पार्किङ गरी राखेको अवस्थामा नै चोरी भएको थियो।

दुवैजनाको २२०सिसिको मोटरसाईकल चोरी भएको घटनाको इलाका प्रहरी कार्यालय इटहरीमा निवेदन परेको र खोजतलासको क्रममा फागुन २१गते आइतबार अपरान्ह ४बजेतिर मोरङको उर्लाबारी नगरपालिका वडा नम्बर २ सिमसारमा मानिस बसोबास नगर्ने पुरानो टहराको आँगनमा दुईवटा मोटरसाईकल राखेर पार्टसहरु खोल्दै गरेको अवस्थामा इलाका प्रहरी कार्यालय पथरीबाट खटिएको प्रहरी टोलीले योञ्जन र मगरलाई नियन्त्रणमा लिएको हो।