इटहरी । नेकपा माओवादी केन्द्रले आगामी चुनावमा प्रतिनिधि सभा सदस्यका लागि प्रत्यक्षतर्फ सुनसरी–२बाट युवा नेता मदन चुडाललाई सिफारिस गरेको छ। चुडालसँगै पूर्वराज्यमन्त्री तथा माओवादी केन्द्रकी सचेतक रामकुमारी चौधरीलाई पनि सिफारिस गरिएको छ।

चुडाल माओवादी इटहरी उपमहानगरपालिकाका इञ्चार्ज हुन्। उनी यसअघि माओवादीनिकट अखिल क्रान्तिकारीका केन्द्रीय उपाध्यक्षको जिम्मेवारीमा रहेर काम गरिसकेका व्यक्ति हुन्।सत्ता गठबन्धनका तर्फबाट सुनसरी–२ मा माओवादीको दाबी रहने बताइएको छ। यसअघि उक्त क्षेत्रमा बाम गठबन्धनका उम्मेदवार हिमाल सुवेदीलाई नेपाली कांग्रेसका सिताराम मेहताले पराजित गरेका थिए।

तर उक्त क्षेत्र वामपन्थीले जित निकालिरहेका कारण युवा नेता चुडालले टिकट पाएको खण्डमा बिजयी हुने आँकलन गरिएको छ। उक्त क्षेत्रमा नेकपा एकीकृत समाजवादी, माओवादी, नेकपा एमालेलगायतको प्रभाव रहेको छ।चुडाल बामपन्थीहरूमाझ चर्चित रहेको र उक्त क्षेत्रका दुर दराजमा पनि उनको राम्रो सक्रियता रहेको छ।