इटहरी । सप्तकोशी नदीमा पानीको बहाव फेरि बढेको छ । जल तथा मौसम विज्ञान विभागले जलाहार क्षेत्रमा लगातारको वर्षाका कारण सप्तकोशी र सहायक नदीहरुमा पनि पानीको बहाव बढेको जनाएको छ ।

विभाग अन्तर्गतको बाढी पूर्वानुमान महाशाखाका अनुसार सप्तकोशी नदीमा पानीको बहाव बढ्दै गएको छ । त्यस्तै तमोर, सुनकोसी र अरुणमा पनि पानीको बहाव बढ्दै गएको विभागले जनाएको छ ।

चतरामा जलस्तरको अलर्ट नजिकै पुग्न सक्ने महाशाखाले जानकारी दिएको छ । त्यस्तै उदयपुरतर्फ थप कटान हुन सक्ने जानकारी दिँदै महाशाखाले उदयपुर, सुनसरी र सप्तरीका तटीय क्षेत्रका बासिन्दालाई बेलुकासम्म उच्च सतर्कता अपनाउन आग्रह गरेको छ ।