इटहरी । जिल्ला प्रहरी कार्यालय सुनसरीमा साेमबार प्रदेश एक प्रहरी प्रमुख डिआइजी सुदिप गिरीले अनुगमन तथा निरिक्षण गरेका छन । प्रदेश एककाे १४ वटै जिल्लामा रहेका प्रहरी कार्यालयहरूकाे अवस्था , नागरिक संगकाे ब्यवहार र काम कार्वाहिबारे निरिक्षण गर्दै आएका प्रहरी प्रमुख डिआइजी गिरीले साेमबार जिलला प्रहरी कार्यालय सुनसरीमा पनि निरिक्षण गरेका हुन । उनले कार्यालयमा रहेका प्रहरी प्रमुख देखि सानाे दर्जाका प्रहरी बस्ने आवास गृह , भान्सा तथा हाजिरी खाता देखि थुनुवाकक्ष र थुनुवाहरूकाे अवस्था बारे बुझेका छन । 

डिआइजी गिरीले जिल्ला प्रहरी कार्यालय सुनसरीका प्रहरी प्रमुख सञ्जयसिंह थापा लगायत अन्य प्रहरी अधिकृतहरूसंग पनि भेट गरेका थिए । उनले साे कार्यालय परिषर अन्तरगत रहेका सबै शाखाहरूकाे निरिक्षण गर्दै जिल्लालाइ अपराधरहित बनाउन सबै प्रहरी युनिटलाइ निर्देशन दिएका थिए । डिआइजी गिरीले निरीक्षणका क्रममा उनले खुला सीमाका कराण हुने विभिन्न अपराधिक गतिविधि र चोरी तस्करी नियन्त्रण गर्नका लागि सीमा क्षेत्रमा कडाइ गर्न निर्देशन दिएका छन । 

प्रहरीको आचरण र व्यवहार सुधार गरी आमनागरिकसँग सधैँ शिष्ट र सभ्य व्यवहार गर्न तथा शून्य सहनशीलताको अक्षरस पालना गर्दै प्रविधिमैत्री, प्रमाण र परिणाममूखी अनुसन्धान गर्न, फरार अपराधिलाई पक्राउ गर्न, आफ्नो कार्यालय तथा विभिन्न सामग्रीको हिफाजत गर्न, सामुदायिक साझेदारी कार्यक्रमलाई प्रभाकारी बनाएर विभिन्न सचेतनामूलक कार्यक्रमहरु सञ्चालन गरी नागरिक र प्रहरीको सम्बन्ध सुमधुर बनाउन, प्राकृतिक स्रोतमाथिको दोहन रोक्न र सवारी दुर्घटना न्यूनीकरणका लागि चेकजाँचलाई प्रभावकारी बनाउन उनले निर्देशन दिएका हुन। 

डिआइजी गिरीले आगामी प्रतिनिधि र प्रदेशसभा निर्वाचनका लागि सुरक्षा योजना बनाएर तयारीमा जुट्न पनि निर्देशन दिएका छन् । सुरक्षा योजना बनाएर निर्वाचनमा खटिन तयारी अवस्थामा रहन पनि डिआइजी गिरीले निर्देशन दिएका छन ।