इटहरी । प्रदेश एकको मुख्य ब्यापारिक राजमार्ग मानएको इटहरीस्थित हालै जडान गरिएको स्मार्ट ट्राफिक लाइट श्रावण ३ गते मंगलबारदेखि सञ्चालनमा आउने भएको छ । औपचारिक कार्यक्रम बिच प्रदेश एकका मुख्यमन्त्री राजेन्द्र राइले उदघाटन गरेपछि ट्राफिक लाइट नियम पुर्वक सञ्चालनमा आउने भएको हो । प्रदेश एक सरकार अन्तर्गतको यातायात व्यवस्था तथा सञ्चार मन्त्रालयको २६ लाख रुपियाँको सहयोगमा इटहरी क्षेत्रमा ट्राफिक लाइट जडान गरिएको हो । 

एक साता अघि नै जडान सम्पन्न भइसकेको लाइटको अहिले परिक्षणकाल चलिरहेको र मंगलबारदेखि बिधिवत रूपमा उदघाटन गरेपछि कानुनत सञ्चालनमा आउने उपमहानगर अन्तरगत वडा नं ६ का वडाध्यक्ष दिवस पोख्रेलले बताए । उक्त लाइटको प्रदेश एक सरकारका मुख्यमन्त्री राजेन्द्र राइले समुदघाटन गर्ने कार्यक्रम रहेको पनि वडाध्यक्ष पोख्रेलले बताए । 

इटहरीमा ट्राफिक लाइट जडान पछि यसलाइ कार्यानवयनमा ल्याउन निकै चुनौती रहेको देखिएपनि सबैको सहकार्यमा सफल हुने वडाध्यक्ष पोख्रेलको भनाइ छ । यता प्रदेश एक ट्राफिक प्रहरी कार्यालय पनि अहिले लाइट जडान पश्चात नियम पालना गराउने तर्फ तत्पर रहेको देखिएको छ । 

बिगतमा ट्राफिक लाइट नहुदा समस्या भएको बताउने ट्राफिक प्रहरीलाइ अब ट्राफिक नियम पालना गराउन सहज हुने अनुमान गरिएको छ । सुरूमा नियम पालना गराउन चुनौती देखिएपनि स्थानिय पैदलयात्री देखि सवारी चालकहरू सम्मलाइ पहिलो चरणमा जनचेतना जगाउने त्यसपछि पनि अट्टेर गरे कार्वाहि र निश्चित जरिवाना तिराउने प्रदेश एक ट्राफिक प्रहरी कार्यालय इटहरीले जनाएको छ ।