इटहरी । स्थानीय निर्वाचन सम्पन्न भइ चुनिएका जनप्रतिनिधिहरूले कामै नगरी बसेको धेरै समाचारहरू बाहिरिरहेको बेला सुनसरीको इटहरी उपमहानगरमा भने बिदाको दिन पनि जनप्रतिनिधिहरू आफै मैदानमा खटिरहेको पाइएको छ ।

जनप्रतिनिधिहरूकै सकृियताले अहिले इटहरीको मुख्य चौक नै परिवर्तन भएको देख्न सकिन्छ । मुख्य चौकमा कसको शालिक राख्ने भनेर बिवाद भइरहेको बेला अहिले चारैतिर रंगरोगन र हेर्दै मनोरम देखिने चिटिक्क बनाइएको छ ।

उपमहानगरले ७ लाख रकम बिनियोजन गरी चौकलाइ सजाउने काम गरेको हो । अहिले बाहिरबाट आउने आगन्तुकहरूकालागि यो चौक मुख्य आकर्षक देखिन थालिएको छ । यसैबिच सालिक राख्ने बिवाद चर्किरहेको बेला उपमहानगरले पहिचान झल्किने र सबैलाइ मान्य हुने प्रतिमा राख्ने भएको छ ।

 इटहरीको इतिहाससँग जोडिएको पहिचान झल्किने र सबैको प्रतिनिधित्व हुनेगरि प्रतिमा राखिने उपमानगरले जनाएको छ । इटहरीको मुख्य चोकमा हाई रिजोलुसनको सिसी क्यामेरा जडान भएको छ भने ट्राफिक लाइट समेत जडान भइसकेका छन ।