इटहरी ।  सुन्दा जो कोहिलाइ पनि अचम्म लाग्न सक्छ आफुले खाइ नखाइ दुख गरेर बिश्वास गरेको सहकारीमा जम्मा गरेको रकम तिन महिना पछि निकाल्न खोज्दा खातामा शुन्य ब्यालेन्स देखाउदा मोरङ सुन्दरहरैचा ६ गोठगाउकि दिलकुमारी मगल एकछिन छागाबाट खसे जस्तै भइन ।

नियमित जसो कर्मचारी आएर दैनिक सकेको १०० , कहिले ५०० रूपैया जम्मा गर्न भनि दिएको रकम खातामा चढाएको देखिएपनि सहकारी सम्म नपुगेको भेटिएपछि उनि तिन छक्कमा परिन । यो हल्ला एक कान दुइ कान गर्दै सहकारी सम्म पुग्यो । पछि अधिकांस बचतकर्ताहरू कार्यालय पुगेर हिसाब हेर्न खोज्दा सफ्टवेयरमा रकम देखाएपनि खातामा भने शुन्य भेटिएपछि सहकारी सञ्चालक टिमनै तिन छक्क पर्न पुगे । 

  यि माथिको घटना कुनै बनावटी हइन यो सत्य र तथ्यमा आधरित हो । मोरङको सुन्दरहरैचा ६ ६ स्थित कनकलक्ष्मी बचत तथा ऋण सहकारी संस्था लिमिटेडको गोठगाउँ सेवा केन्द्रमा यस्तै भएको हो । रकम उठाउन गएका कर्मचारी आफैले सहकारिको रू ४६ लाख  ८७ हजार नौ सय ८० रूपैयाँ हिनामिना गरेको रहस्य पत्ता लागेपछि उनलाइ प्रहरीले पक्राउ गरेको छ । 

बचतकर्ताको लाखौ रकम हिनामिना गरेको अभियोग सहित मोरघको सुन्दरहरैचा ७ गोठगाउ निवासी २४ वर्षीय बिवेक भुजेललाइ प्रहरीले पक्राउ गरी थप अनुशन्धान प्रकृिया अघि बढाएको छ । भुजेलले सहकारीमा जम्मा गृन भनि दिएको रकम एक्लैले नक्कली हस्ताक्षर गरी हिनामिना गरेको प्रमाण फेला परेपछि उनलाइ प्रहरीले नियन्त्रणमा लिएको हो । 

जम्मा गरेको रकम सहकारीको खातामा नभएको भेटिएपछि सहकारीको कार्यालयमा सेवाग्राहिहरूले हंगामा मचाएका थिए । दिलकुमारी जस्तै अन्य सेवाग्राहिहरूले पनि आफ्नो खातामा रकम छ या छैन भनि कार्यालय पुगेर हेर्दा नदेखाएपछि रकम हिनामिना भएको रहस्य खुलेको थियो । उक्त सहकारीमा १२५ जना भन्दा बढी सेवाग्राहिहरूको रकम हिनामिना भएको हो । 

तत्काल घटनालाइ ढाकछोप गर्न सहकारी सञ्चालक समुहले सचिव  यमप्रसाद सिग्देल संयोजकत्वमा तीन सदस्यीय समिति बनाएर छानबिन गरेको थियो । सहकारीका लेखा समिति संयोजक युवराज आचार्य र लेखा प्रमुख विराटचन्द्र पोखरेलसमेत सम्मिलित समितिले बचतकर्ताको ४६ लाख ८७ हजार नौ सय ८० रूपैयाँ सहकारीको काउन्टरमा कार्यरत भुजेलले हिनामिना गरेको पत्ता लगाएको थियो । भुजेलले पनि सो रकम आफुले नै अपचलन गरेको स्विकारेका छन । बिभिन्न समयमा गरी उनले १० लाख रकम सहकारीलाइ बुझाएको पनि देखिएको छ । 

घटना रहस्यमय भएको भन्दै बचतकर्ताहरूले यसलाइ अझै गहिराइ सम्म पुगेर अनुशन्धान गर्न प्रहरी समक्ष अनुरोध गरेका छन । यता प्रहरी नियनत्रणमा रहेका भुजेल बिरूद्ध सहकारी ठगी कसूरमा कारबाही अघि बढाइने जिल्ला प्रहरी कार्यालय मोरङले जनाएको छ । भुजेल २०७७ साल मंसिरदेखि सहकारीको कर्मचारीका रूपमा काम गर्दै आएको प्रहरीले जनाएको छ ।